२७ भदौ, काठमाडौं ।
सरकार र आन्दोलनरत थारुवान थरुहट संयुक्त संघर्ष समितिबीच भएको वार्ता असफल भएको छ । प्रधानमन्त्री निवास वालुवाटारमा भएको वार्तामा संघर्ष समितिले राखेका ७ बुँदे माग सम्बोधन गर्न तयार नभए पछि वार्ता निष्कर्षमा पुग्न नसकेको हो ।
तराईका विभिन्न जिल्लामा सुरक्षाकर्मीबाट भएको धरपकड, सेना परिचालन फिर्ता, मृतकलाई सहिद घोषणा, कफ्र्यु र दंगाग्रष्त क्षेत्र घोषणा फिर्ता लगायत ७ बुँदे माग सम्बोधन गर्न तयार नभएको भन्दै वार्ता असफल भएको संघर्ष समितिले जनाएको छ ।
अव ती माग सम्बोधन भएपछि मात्र वार्ता हुने भन्दै संघर्ष समितिको तर्फबाट वार्ता टोलीका सदस्य अमनलाल मोदीले आन्दोलन जारी राख्ने बताए । ‘हामी वार्ताबाट भागेका छैनौं, मोदीले भने, ‘वार्ताका लागि राखिएका पूर्व सर्तमा सरकार सहमत हुनुपर्छ अनि मात्र वार्ता गर्नुको औचित्य हुन्छ ।’
पार्टीको एसएमएस आएपछि गगन थापाले भने- प्रक्रिया शुरु गर्ने निर्णय गलत
जवाफमा प्रधानमन्त्री सुशील कोइरालाले वार्तालाई निष्कर्षमा पुरयाउने गरी अन्य दलसँग पनि छलफल गर्ने बताएका थिए । प्रधानमन्त्रीको भनाई उदृत गर्दै मोदिले भने, ‘प्रधानमन्त्रीले मुलुक निक्कै अप्ठ्यारो परिस्थितीमा रहेकोले संवाद मार्फत नै समस्या समाधानका लागि सहयोग गर्न आग्रह गर्नुभयो, हामीले पहिले वार्ताको वातावरण बनाउनुस भनेका छौं ।
संविधानसभाको प्रक्रिया नरोक्ने कांग्रेसको निर्णय
अर्को वार्ता कहिले हुने भन्ने टुंगो छैन । मधेसवादी दलहरुसँगको वार्ताको सम्भावना पनि देखिएको छैन । फोरम लोकतान्त्रिकका महामन्त्री रामजनम चौधरीले अहिलेसम्म पनि वार्ताको सहज वातावरण नबनेको बताए ।
