एजेन्सी । कमेडी शो ‘द कपिल शर्मा शो’ को सुटिङ रद्ध गरेपछि कपिल शर्माविरुद्ध अनेक टिप्पणी भएका छन् ।
बुधबार फिल्म मुबारकाँको टोली अनिल कपुर, अर्जुन कपुर, इलियाना डिकुज र अथिया सेट्टी कपिलको शोमा सुटिङका लागि पुगे । तर उनीहरु चार घण्टा कुरेर विना सुटिङ नै फर्किए । कारण थियो कपिल बिरामी हुनु ।
कपिल स्वयमले आफ्नो स्वास्थ्य ठिक नभएको र पछि सुटिङ गर्ने बताएका थिए । मुबारकां टोली विना सुटिङ फर्किएपछि कपिल अनप्रोफेसनल भएको आरेप लागेको छ । उनका फ्यान्स र कार्यक्रमका लागि आएका दर्शकहरु पनि दुखी भएका छन् । तर यो सबै घटनाक्रमको उनी बहिनी पूजा देवगनले स्पष्ट पारेकी छिन् ।
‘अहिले भाई (कपिल) को स्वास्थ्यसँग जोडिएर थुप्रै विषय उठेका छन् र उनलाई अनप्रोफेस्नल पनि भनिएको छ, उनले भनिन्, उ कामको पूरा सम्मान गर्छ ।’ पूजाले भाई डिप्रेसनको शिकार भएको हुन सक्ने खुलासा गरिन् ।
तर उनले भाइले यो कुरा परिवारका सदस्यलाई नबताएको पनि दाबी गरिन् । गएको हप्ता कपिल सुगर र ब्लड प्रेसरको समस्या भएपछि पूजा उनलाई भेट्न मुम्बई पुगेकी थिइन् ।
