प्रयास पराजुली
काठमाडौं ।
भारतका जुनसुकै नेता नेपाल आएर मनलाग्दी रुपमा भेटघाट गर्ने शैली नौलो होइन । भारतका नेताहरु नेपाल आउने वित्तिकै राजनीतिक दलका घरघरमा पुग्दा समेत त्यसलाई बाँध्ने पराष्ट्र नीति नेपालसंग अझैसम्म छैन । नेपालले स्पष्ट परराष्ट्र नीति बनाउन नसक्दा भारतीय राजदुतदेखि नेताहरुले सहजै नेताहरुको घरघरमा पुगेर नाडी छाम्ने काम गर्दै आएका छन् ।
घरघर चाहर्दै रञ्जित रे
पराष्ट्र नीति नभएको फाइदा उठाउदै नेपालका लागि भारतीय राजदुत रञ्जित रे नेताहरुको घर घरमा पुगेर उपर खुट्टी लगाएर नेताहरुको नाडी छाप्ने काममा व्यस्त भएका छन् । दुई महिनादेखि भारतले जारी राखेको नाकाबन्दीको बारेमा बुझ्न राजदुत रे कहिले सिंहदरवार, कहिले लाजिम्पाट, कहिले महारागन्ज त कहिले हात्तिबन चाहारी रहेका हुन्छन् ।
नेताहरुसंग भेटको लागि राजदुत रेले समय समेत लिने गरेका छन् । नेताहरुसंग भेटघाट गर्दा उनले कसैलाई पनि साथमा लिने गरेका छैनन् । देशको समस्या समाधान गर्नको लागि गृहकार्यमा लागेका बेला राजदुत रेको सक्रियता पनि ह्वात्तै बढ्ने गरेको छ। नेताहरुलाई भेटेर नेपाल र नेपालीको नाडी छाम्ने काम गर्दा समेत नेताहरुले कुटनीतिक मर्यादा विपरीत घरघरमा आउने राजदुत रेलाई भेट दिन अस्वीकार गर्दैनन ।
राजदुत भएपछि सामान्य मुल्य मान्यतालाई लत्काउदै उनी नेपालका राजनीतिक दललाइ निर्देशन दिन समेत पछि पर्दैनन । राजदुत रेको भन्दा पनि पराष्ट्र नीति बनाएर घरघर घुम्दै हिडने व्यक्तिलाई बाध्न नसक्नु सरकारकै कमजोरी हो ।
तीन महिनादेखि दिल्लीमा काम विहीन उपाध्यय
नेपालका लागि भारतीय राजदुत नेताहरुको घर घर चाहर्दा उत्ता भारतका लागि नेपाली राजदुत दिपकुमार उपाध्ययले तीन महिनादेखि भारतीय प्रधानमन्त्री नरेन्द्र मोदीलाई भेट्न पाएका छैनन ।
दुई महिनादेखि भारतले गरेको नाकाबन्दीको बारेमा जानकारी लिन खोज्दा समेत राजदुत उपाध्ययले समय पाउन नसकेको बताउंछन । उनले पटक–पटक प्रधानमन्त्रीसंग समय मागेर छलफल गर्न खोजेपनि भारतले पूर्ण रुपमा वेवास्ता गर्दै आएको छ ।
यता रञ्जित रे भने जतिखेर भन्यो त्यतिनै खेर राष्ट्रपति, प्रधानमन्त्री, मन्त्री र प्रमखु राजनीतिक दलका नेताहरु सहज भेटने गरेका छन् ।
चेतावनी दिदै फर्किए जोली, अलमलमा ओली
भारतीय प्रधानमन्त्री नरेन्द्र मोदीको पार्टी भाजपाका नेता विजय जोली सुटुक्क नेपाल आए । उनले कुटनीतिक मुल्य मान्यता मान्ने कुरै भएन । नेपाल आएर जोलीले राष्ट्रपति विद्यादेवी भण्डारी,प्रधानमन्त्री केपी ओली, कांग्रेसका उपसभापति रामचन्द्र पौडेल, संघीय समाजवादी फोरमका अध्यक्ष उपेन्द्र यादवसंग भेट गरे । उनले सरकारको नाडी छामे । कांग्रेसंगको कुरा बुझे, आन्दोलनरत मधेसी मोर्चाका नेताको कुरा सुने ।
प्रधामन्त्रीसंग जोलीले भारतीय विरोधी भावना नेपालमा बढेकोप्रति निकै गम्भीर भएर कुरा गरेको वालुटार स्रोत बताउंछ । जोलीले भारतले नाकाबन्दी नगरेको दावी गर्दै नेपालको समस्या समाधान नभएसम्म भारतबाट सहज रुपमा मालवहाक सवारी साधन भित्रन नसक्ने बताएका थिए ।
जवाफमा ओलीले नेपालको समस्या समाधान गर्न सरकार गम्भीर रहेको र भारतले आन्दोलनलाई कारण देखाउदै नाकाबन्दी गर्नु गलत रहेको बताएका थिए ।
यो पनि पढ्नुस्।
संघीय समावेशी मोर्चाले अघिसार्यो नौ सूत्रीय माग
प्रचण्डले प्रतिवेदन लेख्दा ओलीलाई तनाब
सुरक्षाको लागि सेना परिचालन हुन्छः उपप्रधानमन्त्री रावल
बाबुराम भट्टराईले सोधे–सरकार कहाँ छ ?