एक महत्वपूर्ण अंगको रुपमा हाम्रो शरीरमा रहेको मस्तिष्कबारे धेरैजसोलाई थाहा नहुन सक्छ । मस्तिष्क वा दिमागलाई लिएर लगातार अध्ययन गरिँदै आएको छ । त्यसमध्यकै ११ रोचक तथ्यबारे यहाँ चर्चा गरिएको छ ।
१. हाम्रो दिमागले प्रत्येक समय १२ देखि २५ वाट बराबरको विद्युत उत्पादन गर्छ । यसबाट एक सानो लेड बल्ब बाल्न सकिन्छ ।
२. महिलाको दिमागको तुलनामा पुरुषको दिमाग १० प्रतिशतले बढी हुन्छ ।
३. मस्तिष्कमा रहेको ‘ब्लड भेसल्स’को कुल लम्बाई करिब ६४५ किलोमिटर हुन्छ ।
४. दिमागको आकार लगातार कम हुँदै गइरहेको छ । पछिल्लो २० हजार बर्षमा यसको आकार घटेर टेनिस बल जति पुगेको छ ।
५. मस्तिष्कलाई दुखाई हुँदैन । यदि खाली दिमागको शल्यक्रिया भएमा एनिस्थिसियाको आवश्यकता पर्दैन ।
६. दिमागले न्यूरोन्सको माध्यमबाट काम गर्छ । हाम्रो दिमागको भूमिका कम्प्युटरमा सिपियुको जस्तै हुन्छ । मानव मस्तिष्कमा १० हजार करोड न्यूरोन्स हुन्छन् र ३५ बर्ष कटेपछि हरेक दिन ७ हजार न्यूरोन्स कम हुँदै जान्छ ।
७. एक वयस्क व्यक्तिको दिमागको तौल लगभग १३०० देखि १४०० ग्रामसम्म हुन्छ ।
८. वैज्ञानिक अल्बर्ट आइन्स्टाइनको दिमागको तौल सामान्य पुरुषको तुलनामा १० प्रतिशत कम थियो । तर, उनको न्यूरोन्सको घनत्व बढी थियो अर्थात् मस्तिष्क बढी सक्रिय थियो ।
९. मानव मस्तिष्कमा ७५देखि ८० प्रतिशतसम्म पानीको मात्रा हुन्छ । शरीरमा पानीको कमी भएमा मस्तिष्कले सही तरिका ले काम गर्न सक्दैन ।
१०. दिनको तुलनामा रातमा हाम्रो मस्तिष्क बढी सक्रिय रहन्छ ।
११. मस्तिष्कको तौल पुरै शरीरको तौलको करिब २ प्रतिशत हुन्छ । तर, शरीरमा रहेको अक्सिजन र क्यालोरीको २० प्रतिशत दिमागले लिन्छ ।
यो पनि पढ्नुस्
