२२ साउन, एजेन्सी ।
फ्रेन्च क्लब पेरिस सेन्ट जर्मेन ‘पिएसजी’ ले लिग वानमा विजयी सुरुवात गरेको छ । किर्तिमानी मुल्यमा ब्राजिल स्टार फरवार्ड नेइमार अनुबन्ध गरेपछि शनिवार राति भएको पहिलो खेलमा पिएसजीले एमियन्जलाई दुई शुन्यले हराएको हो ।
पिएसजीका लागि एडिसन काभानी र हाबियर पास्तोरेले एक एक गोल गरे । बार्सिलोनाबाट २० करोड पाउण्डमा ‘पिएसजी’ आएका नेइमार भने यो खेलमा मैदानमा थिएनन ।
क्लवले अनुबन्धन सम्बन्धी कागजात समयमा पेश गर्न नसकेकाले नेइमारले दर्शक दीर्घामा बसेर टिमको हौसला बढाएका थिए ।
पिएसजीको रंगशाला पार्क डेस प्रिन्सेसमा नेइमारको भव्य स्वागत गरिएको थियो ।
