१३ मंसिर, काठमाडौं ।
नेपाली कांग्रेसका नेता तथा सांसद चन्द्र भण्डारीले देश जटिल दिशातिर लागेको भन्दै चिन्ता ब्यक्त गरेका छन् ।
रेल बनाउने कुरामा किन झेल गरियो ?
पार्टी बैठकबाट बाहिर आएपछि फेसबुकमा स्ट्याटस अपडेट गर्दै नेता भण्डारीले ५ नम्बर प्रदेश विभजित गर्न नहुने कुरा उठेको तर विना सहमति बैठक सकिएको भन्दै देश जटिलबाटोतिर लागेको भनेका छन् ।
उनले फेसबुकमा लेखेका छन्, “नेताहरुले जसरी पनि स्थानीय निर्वाचन बनाउने कुरामा जोड़ दिएका थिए भने संबिधान संशोधन गरी कार्यन्वनका लागि संबिधान बनाउने शक्तिहरु एकठाउमा बस्नु पर्ने कुरामा समान धारणा छ । आख़िर बिना सहमती बैठक सकियो । देश जटिल बाटो तिर लाग्दैछ ।”
सोमबारको बैठकपछि संसद्को सबैभन्दा ठूलो दल कांग्रेस संविधान संसोधन प्रस्ताव दर्ता गराउने अन्तिम तयारीबाट तत्काललाई पछि हटेको छ ।
संविधान संसोधनबाट एक कदम पछि हट्यो कांग्रेस !
एमालेको तीव्र असन्तुष्टि, माओवादी र आफ्नै पार्टीभित्रसमेत कुरा नमिलेपछि कांग्रेस पदाधिकारी र पूर्व पदाधिकारीबीचको बैठकले चुनाव गर्ने ग्यारेन्टीसमेत गर्नेसहितका विषयमा सहमति गरेपछि मात्र संसोधनका विषयमा प्रस्ताव अघि बढाउने निर्णय गरेको हो ।
रामदेव भेट्न प्रचण्ड पुगेपछि, बाबुरामको ट्वीट
कांग्रेस तत्कालै संविधान कार्यान्वयनका लागि संसोधन, चुनावसहितका विषयमा प्रमुख पार्टीसँग छलफल गर्ने निर्णय पनि गरेको छ ।
