५ असोज, युरोप।
नेपालको संविधान जारी भएको एक बर्ष पुगेको अवसरमा युरोपका विभिन्न देशमा पनि संविधान दिवस मनाइएको छ । अवैतानिक बाणिज्य दुतावासले पोर्चुगलको राजधानी लिस्वोनमा औपचारिक कार्यक्रम गरेर संविधान दिवस मनाएको छ ।
कार्यक्रममा अमेरिका, रसिया, क्यानाडा, जापान, साउदी अरब, कतार, थाईल्याण्ड, दक्षिण कोरिया, इटली, फिनल्याण्ड, चेक रिपब्लिक लगायत ४० देशका राजदुत तथा प्रतिनीधिको सहभागिता थियो ।
पोर्चुगलको विदेशमन्त्रालयका आसियाना डेस्क प्रमुख जोसे मसादो म्यानुअल प्रमुख अधिति रहेको कार्यक्रममा नेपालको तर्फबाट प्रतिनिधित्व गर्ने विभिन्न व्यक्तित्वहरुको सहभागिता रहेको थियो ।
कार्यक्रममा पोचुगलका लागि अवैतनिक राजदुत मकरबहादुर हमालले संविधानसभाबाट जारी भएको नेपालको नयाँ संविधानले नेपाली जनताका अधिकार सुनिश्चित गरेको र सबै विभेदको अन्त्य गरेको बताए । उनले भने, ‘नयाँ संविधानले सबै जाती, धर्म, भाषा, क्षेत्र, तथा लिङ्गको अधिकार स्थापित गरेको छ । असन्तुष्टि जनाउने पर्ने कारण छैन ।’
उनले गत वर्षको भूकम्पले नेपालमा ठूलो क्षति पुराए पनि पर्यटकीय हिसाबले सुरक्षित रहेको जानकारी दिए ।
भगवान गौतम बुद्धको जन्मस्थल तथा विश्वको सर्वोचच शिखर सगरमाथ लगायतका महत्वपूर्ण स्थल पर्यटकिय हिसावले निक्कै महत्वपूर्ण रहेको उनको भनाई थियो । नेपालमा लगानीको प्रयाप्त सम्भावना रहेको भन्दै लगानीका लागि अन्तराष्टिय समूदायलाई पनि नेपालले आग्रह गरेको छ ।