८ असोज, एजेन्सी।
सामसुङको स्मार्टफोनको ब्याट्री पड्कने घटना अझै जारी छ। भारतको चेन्नई एयरपोर्टमा ल्याण्डिङको समयमा एक विमान भित्रै सामसुङ नोट २ मोबाइलमा आगो लागेको खबर छ।
चेन्नई एयरपोर्टमा ल्याण्ड गर्न लागेको इन्डिगोको विमानमा यो घटना भएको हो। विमानमा भने कुनै नोक्सन नपुगेको बताइएको छ।
यो भन्दा अघि सामसुङ ग्यालेक्सी नोट ७ स्मार्टफोनमा यस्तो समस्या देखिएको थियो। लगतै सामसुङले यो स्मार्टफोन बजारबाट फिर्ता लिएको थियो।
विमानमै पड्केको मोबाइल ग्यालेक्सी नोट २ का विशेषता:
५.५ इन्च डिस्प्ले, ७२०X१२८० पिक्सेल रिजोलुसन, क्वाडकोर प्रोसेसर भएको यो मोबाइलमा ८ मेगापिक्सलको रियर र १.९ मेगापिक्सलको फ्रन्ट क्यामेरा लगाइएको छ। यसमा प्रयोग भएको ब्याट्री लिथियम आयोन ३१०० एमएएच हो।
