७ असोज, नयाँ दिल्ली । भारतका प्रधानमन्त्री नरेन्द्र मोदीले भारतका हरेक गरिब परिवारको आउदो पाँच बर्ष भित्रमा आफ्नै घर हुने बताएका छन ।
भारतको बाराणसीमा शनिबार आयोजित कार्यक्रममा प्रधानमन्त्री मोदीले भने, “आउदो सन् २०२२ सम्ममा हरेक गरिब परिवार, ती गाउका हुन वा सहरका, ती सवैको एक एक ओटा घर हुन्छ, उनीहरुलाई रोजगारी र अम्दानीको सुनिश्चितता हुनेछ ।”
प्रधानमन्त्री मोदीले आफ्नो सरकारको मुख्य एजेण्डा विकास भएको बताए । उनले भने, “विकास नै हाम्रा संपूर्ण समस्याको समाधान हो ।”
“सरकार केबल निर्वाचनका लागि वा राजनीतिका लागि मात्रै होइन, हामीले राष्ट्रको हितका लागि प्राथमिकता दिएका छौं” प्रधानमन्त्री मोदीको भनाई थियो ।
प्रधानमन्त्री मोदी दुई दिने भ्रमणका लागि शुक्रबार देखि बाराणसीमा छन ।
