आजभोलि सबैको हातमा स्मार्ट फोन छन् । अधिकाँशले त इन्टरनेटको प्रयोग मोबाइलबाटै गर्छन् । र अश्लिल तस्विर वा भिडियो हेर्न आजकल कुनै कठिनाइ झेलिरहनु पर्दैन ।
नेपालमा कतिपय पोर्न साइटहरुमा प्रतिबन्द लगाइएको भएपनि नयाँ नयाँ साइटहरुमा युवा पुस्ताको पहुँछ छ र धेरैले यस्ता साइट भिजिट गर्छन् ।
तर अश्लिल चलचित्र र तस्विरले मानव जीवनमा निक्कै धेरै नोकसानी पुर्याइरहेको एक अध्यनले देखाएको छ ।
बलात्कारका घटनामा वृद्धिः
नेपालमा बलात्कारका घटना बढिरहेका छन् । यस्ता घटना बढ्नुको पछाडी अश्लिल सामग्रीहरुको भूमिका महत्वपूर्ण मानिएको छ । कतिपय ब्यक्तिले यस्ता चलचित्र वा समग्रीबाटै सन्तुष्टी लिने भएपनि धेरैलाई भने यस्ले थप उत्तेजित तुल्याउने र अभद्र ब्यवहार गर्न उक्साउने काम गर्छ ।
बैबाहिक जीवनमा पनि असरः
सामान्यरुपमा हेर्दा त अश्लिल चलचित्र वा तस्विर विवाहित जोडीलाई लाभदायक नै छन् जस्तो लाग्छ । उनीहरुलाई उत्तेजनामा ल्याउन यी सामग्री उपयोगी हुने ठानिन्छ । तर अश्लिल चलचित्रको लत लागेको ब्यक्तिले बैबाहिक जीवनमा कम सन्तुष्टी महसुस गर्ने र अभद्र ब्यवहार देखाउने खतरा हुन्छ ।
कतिपय ब्यक्तिले अश्लिल चलचित्रमा देखाइएका अतिरञ्जित यौन ब्यवहारलाई आफ्नै पत्नि वा प्रेमिकासँग प्रयोग गर्न खोज्छन् यसले उनीहरुबीच असन्तुष्टी बढाउँछ ।
प्रेममा समेत कमिः
पटक पटक अश्लिल भिडियो हेर्ने ब्यक्तिलाई यसको लतको शिकार हुन्छन् । कतिपयलाई वास्तविक यौन सम्बन्ध राख्नु भन्दा यो हेर्दा बढी सन्तुष्टी हुने समेत देखिएको छ । अनि पार्टनरलाई केवल यौन सन्तुष्टीको साधनकोरुपमा लिने मानसिकता पनि खतरनाकरुपमा विकाश हुनसक्छ ।
शरीरको स्वभाविक गुण हराउन सक्छः
यदि तपाइँ आफूलाई उत्तेजित पार्न अश्लिल चलचित्र वा अन्य सामग्रीको सहारा लिनु हुन्छ भने तपाइँको शरीरको स्वभाविक गुण समेह ह्रास हुने खतरा हुन्छ । यस्तो पनि अवस्था आउन सक्छ कि अश्लिल चलचित्र नहेरी उत्तेजना नै नआउने ।
विवाहेत्तर सम्बन्धमा वृद्धिः
अश्लिल सामग्रीको लत लागेपछि मानिसहरु यौन सन्तुष्टीका लागि भड्किन्छन् । र विवाहित पुरुष वा महिलामा यस्को लत छ भने विवाहेत्तर सम्बन्धमा वृद्धि हुने खतरा हुन्छ ।
