राजा वीरेन्द्रको सम्पत्ति धमाधम सरकारी नाममा

२१ जेठ, काठमाडौं ।
सात बर्षअघि ट्रस्ट खोलेर पूर्व राजा र राजपरिवारका सदस्यको सम्पत्ति राज्यको मातहतमा ल्याउन थालेको सरकारले पूर्व राजा वीरेन्द्रको झण्डै १७ सय रोपनी जग्गा आफ्नो मातहतमा ल्याएको छ । पछिल्लो पटक आज विहान बसेको मन्त्रीपरिषद्को बैठकले नुवाकोट र धादिङमा रहेका जग्गा नेपाल ट्रष्टको नाममा कायम गर्ने निर्णय गरेको हो । सरकारका एक मन्त्रीका अनुसार, नुवाकोटको १ सय ७२ र धादिङको १ हजार ५ सय १ रोपनी जग्गा ट्रस्टको नाममा ल्याउने निर्णय गरिएको छ ।
२०६४ सालमा स्थापना गरिएको ट्रस्टले पूर्व राजपरिवारको सम्पत्तिको स्वामित्व लिई सदुपयोगका लागि कार्यविधि बनाउन लागेको बताइएको छ । ट्रस्टले राजपरिवारका ६ हजारभन्दा बढी जग्गा आफ्नो स्वामित्वमा लिइसकेको छ ।

विदेशमा पैसा भेटिएन
पूर्वराजा र राजपरिवारका सदस्यको सम्पत्ति विदेशका बैकहरुमा थुप्रै छ भन्ने आँकलन गरिन्छ । तर नेपाल ट्रस्टले खोजी गर्दा विदेशका कुनै पनि बैंकमा नभेटिएको बुझिएको छ । बरु नेपालका विभिन्न बैंकमा ४० हजार पाउण्ड भन्दा बढी रकम भेटिएको सम्वद्ध स्रोतले जनाएको छ । पूर्व राजाका सम्पत्ति र परिवारको जायजेथाको विवरण संकलन गरेर राज्यको स्वामित्वमा आएपनि अहिलेसम्म त्यसको सदुपयोग भने हुन सकेको छैनन् ।

नेपाल ट्रस्टले तयार पारेको विवरण यस्तो छ: