Category: समाचार

लोकमानसिंह कार्कीको नामप्रति एमालेद्दारा दुःख व्यक्त

६ चैत, काठमाडौ । नेकपा (एमाले) केन्द्रीय अनुशासन आयोगले लामो समयदेखि रिक्त रहेको अख्तियार दुरुपयोग अनुसन्धान आयोगको प्रमुख आयुक्तमा पूर्व मुख्यसचिव लोकमानसिंह कार्कीलाई नियुक्त गर्न सिफारिस गरिएको भन्ने समाचारप्रति दुःख व्यक्त गरेको छ ।आयोगद्धारा आज प्रकाशित विज्ञप्तिमा मुलुकमा व्याप्त भ्रष्टाचार तथा अनियमियततालाई रोक्न प्रभावकारी भूमिका खेल्नुपर्ने अख्तियारमा विगतमा उच्चस्तरीय जाँचबुझ आयोग र अख्तियार स्वयम्ले समेत दोषी, अयोग्य ठहर्याएको व्यक्तिलाई बिना विश्लेषण नियुक्ति गर्न प्रमुख दलका नेताहरूले सिफारिस गर्नु ज्यादै गैरजिम्मेवार हो भनिएको छ ।आयोगका अध्यक्ष अमृतकुमार बोहराद्धारा हस्ताक्षरित सो विज्ञप्तिमा आयोगको प्रमुखका लागि गरिएको सिफारिस अविलम्ब फिर्ता लिन माग गर्दै पार्टी अध्यक्ष झलनाथ खनालको ध्यानाकर्षण गराइएको छ । रासस...

Read More

मन्त्रिपरिषद्को निर्णय, मन्त्रीलाई कडा नियम

६ चैत, काठमाडौ । सरकारले अन्तरिम चुनावी मन्त्रिपरिषद्मा सहभागी मन्त्रीहरूको आचारसंहितालाई कडाइका साथ लागू गर्ने भएको छ । मन्त्रिपरिषद्को आज बसेको बैठकले मन्त्री र सचिवहरूलाई दोहोरो, तेहोरो सुविधा लिने विगतको परिपाटीको अन्त्य गर्ने निर्णय पनि गरेको छ । यसैगरी मन्त्रिपरिषद्ले सरकारी कर्मचारीहरूले काजको नाममा राजधानीमा बस्दै आएकोमा त्यसलाई निरुत्साहित गर्न जुन क्षेत्रमा दरबन्दी रहेको हो सोही क्षेत्रमा नै पठाउने निर्णय गरेको छ । त्यस्तै मन्त्रिपरिषद्ले सरकारको प्रवक्तामा सूचना तथा सञ्चारमन्त्री माधव पौडेललाई तोकेको छ । मन्त्रालयहरूले सम्पादन गरेका काम र गर्न बाँकी कामकारवाहीलाई २४ घन्टाभित्र सम्बन्धित मन्त्रालयको वेबसाइटमा राख्ने निर्णय गरेको नवनियुक्त प्रवक्ता पौडेलले जानकारी दिए । यस्तै आजको बैठकले निकट भविष्यमा हुन गाइरहेको संविधानसभाको निर्वाचन सम्पन्न गर्न सरकारका तर्फबाट सबै प्रकारका कामहरूलाई अगाडि बढाउने र सबै खालका साधन–स्रोतलाई परिचालन गर्ने सम्बन्धमा परिषद्का अध्यक्ष खिलराज रेग्मीले मन्त्रीहरूलाई विशेष निर्देशन दिनुभएको प्रवक्ता पौडेलले जानकारी दिए । यस्तै सरकारले कृषि सेवा, इन्जिनियरिङ सेवा, प्रशासन सेवाका १५ जना उपसचिवलाई सहसचिवमा बढुवा गरेको छ । त्यस्तै एभियन इन्फ्लुएन्जा आयोजनामा कार्यरत १५ जना कर्मचारीको म्याद आगामी असार मसान्तसम्म थप गर्ने निर्णय गरेको छ । आजको बैठकमा संवैधानिक परिषद् गठन गर्ने विषयमा छलफल भएको र केही दिनभित्रै परिषद् गठन हुने र सो परिषद्ले निर्वाचन आयोगलगायतका संवैधानिक निकायको नियुक्ति गर्ने बताइएको छ । यस्तै संविधानसभाको मिति तोक्ने विषयमा पनि निर्वाचन आयोग लगायतसँग छलफल गरेर तत्काल मिति तोकिने प्रवक्ता पौडेलले जानकारी दिए ।...

Read More

‘दलहरूले मन्त्रिपरिषदमा भागवन्डा गरेका होइनन्’

६ चैत, वीरगञ्ज । नेकपा (एमाले)की नेत्रृ विद्यादेवी भण्डारीले अब मुलुक निर्वाचनतर्फ होमिएको बताएकी छिन् । प्रेस चौतारी पर्साले आयोजना गरेको पत्रकार सम्मेलनमा बोल्दै एमाले उपाध्यक्षसमेत रहेकी नेत्रृ भण्डारीले नावको विकल्प नभएको बताएकी छिन् । उनले राजनीतिक दलहरुको सहमतिमा चुनावी सरकारले पूर्णता पाए लगत्तै मुलुक चुनावतर्फ अग्रसर भएको बताइन् । उनले वर्तमान सरकारले नै चुनाव गराउनेमा आफू विश्वस्त रहेको उल्लेख गर्दै यो चुनावी सरकार भएका कारण यसलाई सहयोग गर्नु सबै राजनीतिक दलहरूको दायित्व हुने धारणा व्यक्त गरिन् । उनले राजनीतिक दलहरुकै सहमतिमा वर्तमान मन्त्रिपरिषद् गठन गरिएको र त्यसलाई भागबण्डाको रुपमा लिन नहुने तर्क गरेकी थिइन् । नेत्रृ भण्डारीले मुलुकले संविधानसभाको निर्वाचनमार्फत नयाँ संविधान पाउने दावी गरिन्...

Read More

‘निर्वाचन सम्पन्न गर्न सरकार दृढ’

६ चैत, काठमाडौँ । गृहमन्त्री माघवप्रसाद घिमिरेले आफ्नो भाग्य र भविष्य निर्माण गर्ने नयाँ संविधान बनाउने नेपाली जनताको उत्कट चाहनालाई निर्वाचनमार्फत पूरा गर्न वर्तमान सरकार लागिपरेको बताएका छन् । राष्ट्रिय दलित आयोगको ११ औँ वार्षिकोत्सव समारोहलाई आज ललितपुरमा सम्बोधन गर्दै उनले राजनीतिक सहमतिद्धारा गठन भएको वर्तमान सरकारले निर्वाचन सम्पन्न गर्ने अठोट व्यक्त गरेका छन् । उनले भने, ‘वर्तमान सरकार संविधानसभाको  निर्वाचन स्वच्छ, निष्पक्ष र धाँधलीरहित रुपमा सम्पन्न गर्न गठन भएको हो ।’ दलित अयोगलाई बलियो बनाउन जातीय भेदभाव तथा छुवाछुत (कसुर र सजाय) ऐन, २०६८ को नियमावली बनाउन आवश्यक भएको उल्लेख गर्दै उनले यस कार्यमा आफूले सहयोग गर्ने बताए । गृहमन्त्री घिमिरेले भने, ‘जातीय विभेद र छुवाछुत मानव अधिकार विरुद्धका कार्य भएकाले यसको अन्त्य हुनु आवश्यक छ ।’ सो अवसरमा उनले दलित आन्दोलनका क्षेत्रमा विशिष्ठ योगदान पुर्याएवापत आयोगका पूर्वअध्यक्ष पदमसिंह विश्वकर्मा, टेक ताम्राकार, धनसर विश्वकर्मा, रामरतन हरिजनलगायतलाई सम्मान गरेका थिए । आयोगका अध्यक्ष सुशिला सिर्पाली (ठकुरी) ले अयोगलाई बलियो बनाउन सरकारले सहयोग गर्नुपर्ने बताए...

Read More

संघिय लोकतान्त्रिक गणतान्त्रिक गठबन्धनको बैठक स्थगित

६ चैत, काठमाडौ । निर्वाचनको रणनीतिका विषयमा छलफल गर्न सूरू भएको संघिय लोकतान्त्रिक गणतान्त्रिक गठबन्धनको बैठक केहीबेरका लागी स्थगित भएको छ । प्रचण्ड निवास लाजिम्पाटमा बसेको गठबन्धन सचिवालयको बैठक ४ बजे सम्मका लागि स्थगित गरिएको छ । गठबन्धनका प्रवक्ता प्रेमबहादुर सिंहले दिएको जानकारी अनुसार बैठक ४ बजेसम्मका लागि स्थगित गरिएको हो । उनका अनुसार बैठकमा संविधानसभा निर्वाचनसम्म गठबन्धन कायम राख्ने र त्यसका रणनीति तय गर्ने विषयमा छलफल भइरहेको छ । गठबन्धन दलका सदस्यहरूले आ–आफ्ना धारणा राखिरहेको र बेलुका ४ बजेको बैठकले ठोस धारणा तय गर्ने सिंहले बताए । सिंहका अनुसार गठबन्धनको सचिवालयले तय गरेका कार्यक्रमलाई गठबन्धनको पूर्ण बैठक बसि अनुमोदन गरिनेछ...

Read More

मन्त्रिपरिषद्को बैठक बस्दै, निर्वाचनको मिति घोषणा आजै हुने संभावना

६ चैत,काठमाडौ।हिजो शपथ खाएका मन्त्रिपरिषदका सदस्यहरुले  आज आ-आफ्नो कार्यभार सम्हालेका छन् । बिहान १० बजेपछि हिजो सपथग्रहण गरेका ८ जना मन्त्रीले आफ्नो कार्यभार सम्हालेको प्रधानमन्त्री तथा मन्त्रिपरिषद्को कार्यालयले जनाएको छ । आज नै मन्त्रिपरिषद्को बैठक पनि बस्दैछ ।  मन्त्रिपरिषदले पूर्णता पाएपछिको पहिलो बैठकमा संवैधानिक परिषदमा रहने मन्त्रीहरुको टुङ्गो लाग्नेछ । त्यस्तै संविधानसभा चुनावको मिति तय गर्ने विषयमा पनि आजको बैठकमा छलफल हुने बताइएको छ। यसअघि उच्चस्तरीय राजनीतिक समितिले असार ४ गते संविधानसभाको निर्वाचन तोक्न  सरकारलाई सिफारिस गरेको छ । संविधान निर्वाचनका लागि निर्वाचन आयोगले गरेको तयारी, संवैधानिक नियुक्तिका विषयमा पनि छलफल हुनेछ । मन्त्रिपरिषद्को बैठक दिउँसो १ बजेका लागि बोलाइएको छ ।   यसैबीच संवैधानिक परिषदलाई पूर्णता दिने विषयमा सरकारले आज छलफल गर्ने भएको छ । हिजो मन्त्रिपरिषद विस्तार भएपछि आज अन्तरिम मन्त्रिपरिषद्का अध्यक्ष खिलराज रेग्मीको अध्यक्षतामा संवैधानिक परिषद पनि गठन हुनेछ । आज गठन हुने संवैधानिक परिषदले त्यसको प्रक्रिया अघि बढाउने मन्त्रिपरिषद्को सचिवालयले जनाएको छ । संवैधानिक परिषदमा प्रमुख तीन दलले सिफारिस गरेका तीनजना मन्त्री रहने गरि विस्तार गर्न लागिएको स्रोतले जनाएको छ । यसअघि प्रधानमन्त्रीले तोकेका फरक फरक दलका तीन मन्त्री रहने व्यवस्थालाई परिमार्जन गरि अन्तरिम मन्त्रीपरिषदले तोकेका मन्त्रिपरिषदका तीन सदस्य बनाइएको छ । प्रधानमन्त्रीको अध्यक्षतामा, प्रधानन्यायाधीश र तीन मन्त्री सहितको पाँच सदस्यीय संवैधानिक परिषदले पूर्णता पाएपछि आजबाटै संवैधानिक नियुक्तिका विषयमा छलफल हुने बताइएको...

Read More

बाबुरामको विरोधपछी महासचिव बन्न नपाएका महाराले बोगटीलाई ‘कु’ गर्ने

६ चैत, काठमाडौ । हेटौडामा सम्पन्न महाधिवेशनमा बाबुरामको विरोधपछी महासचि बन्न नपाएका नेता कृष्णबहादुर महराले पार्टी महासचिव पोष्टबहादुर बोगटीलाई कू गर्ने तयारीमा लागेका छन् । पार्टीको भोलीदेखी सुरू हुने केन्द्रिय कमिटिको बैठकलाई केन्द्रित गरि नेता महराले बोगटीलाई कू गर्ने तयारी गरेको समाचारले एमाओवादीभित्र निकै हलचल मच्चिएको एक साप्ताहिकमा खबर छापिएको छ । प्रचण्ड निकट केही युवा नेताहरूलाई साथमा लिएर नेता महराले महासचिव बोगटीलाई कू गर्ने तयारी गरेका हुन् । महराको पक्षमा शक्ति बस्नेतदेखी युवराज चौलागाईँसम्मका नेताहरूले केन्द्रीय समितिअघि नै महरालाई महासचिवमा सुनिश्चीत गर्न लविङ गर्ने लगभग निश्चित भएको छ । महाधिवेशनमा बाबुरामको विरोधपछी महासचिवको पद हत्याउन नपाएका महराले अहिले...

Read More

एकान्तमा किन रुन्छन् माधव ?

६ चैत,काठमाडौ। एमाले पार्टीका पुर्व महासचिव माधव नेपाल, प्रधानमन्त्री पदको स्वाद समेत चाखिसकेका माधव नेपाल, आजकल एक्लिएका छन। उनको सक्रियता समेत अचानक घटेको छ, भने सार्वजनिक कार्यक्रमामा उनको उपस्थिति शन्य नजिके पुगेको छ । केही समय अघिसम्म निकै सक्रिय मानिने माधव नेपाल यतिखेर निष्क्रिय छन्। फ्रान्सबाट आएयता नेता नेपालमा राजनिति प्रति वितृष्णा जागेको बताइन्छ। खिलराज रेग्मीको शपथग्रहणलाई  समेत नेता नेपालले बहिष्कार गरे। त्यस यता उनि चुपचाप बसेका छन्। बताइए अनुसार उनि एकान्तमा बसेर सोच्ने र घोत्लिने गरेका छन्। उनको अनुहार असाध्य पिडावोध छचल्किएको छ,  कहिले कहिं त मन हल्का पार्न एकान्त उुने समेत गरेको बताइन्छ।प्रधानन्यायाधिशबाट खिलराजलाई राजिनामा दिन नलगाइ...

Read More

स्थान र समय तय नभएको उच्चस्तरीय समितिको बैठक बस्दै

६ चैत, काठमाडौ । अन्तरिम चुनावी मन्त्रीपरिषद्का अध्यक्षलाई सरकार चलाउनका सहयोग गर्ने उदेश्यले बनेको चार शक्तिको उच्च स्थरीय राजनीतिक समितिको बैठक आज बस्दैछ । बैठक आज दिउँसो बस्ने भनिएपनि स्थान र समय नतोकिएको छैन् । आज बस्ने उक्त बैठकमा संवैधानिक नियुक्तका विषयमा छलफल हुने बताइएको छ । उक्त बैठकमा निर्वाचन आयोग, लोकसेवा आयोग, अख्तियार दूरूपयोग अनुसन्धान आयोगमा रहेका रिक्त पदमा नियुक्तिका विषयमा छलफल हुनेछ । प्रचण्डको प्रस्तावमा जनआन्दोलन ०६२/०६३ का बेला सर्वसाधारणको व्यापक दमन गर्न निर्देशन दिएका लोकमानसिंह कार्कीलाई अख्तियारको प्रमुख पद दिने तयारी गरिएपनि दलभित्रकै नेताहरूले व्यापक आलोचना गरेपछि त्यस विषयमा थप छलफल पनि गरिने एक नेताले बताएका छन्...

Read More

संवैधानिक परिषद् आज गठन हुने

६ चैत,काठमाडौ। संवैधानिक परिषदलाई पूर्णता दिने विषयमा सरकारले आज छलफल गर्ने भएको छ । हिजो मन्त्रिपरिषद विस्तार भएपछि आज अन्तरिम मन्त्रिपरिषद्का अध्यक्ष खिलराज रेग्मीको अध्यक्षतामा संवैधानिक परिषद पनि गठन हुनेछ  । संवैधानिक परिषदमा प्रमुख तीन दलले सिफारिस गरेका तीनजना मन्त्री रहने गरि विस्तार गर्न लागिएको स्रोतले जनाएको छ । यसअघि प्रधानमन्त्रीले तोकेका फरक फरक दलका तीन मन्त्री रहने व्यवस्थालाई परिमार्जन गरि अन्तरिम मन्त्रीपरिषदले तोकेका मन्त्रीपरिषदका तीन सदस्य बनाइएको छ । प्रधानमन्त्रीको अध्यक्षतामा, प्रधानन्यायाधीश र तीन मन्त्री सहितको पाँच सदस्यीय संवैधानिक परिषदले पूर्णता पाएपछि आजबाटै संवैधानिक नियुक्तिका विषयमा छलफल हुने बताइएको...

Read More
Advertisements