६ चैत, एजेन्सी । विश्वब्यापी महामारीका रुपमा फैलिइरहेको (कोभिड १९) कोरोना भाइरसको संक्रमका कारण मृत्यु हुनेको संख्या ९ हजार नाघेको छ ।
पछिल्लो तथ्यांक अनुसार भाइरस संक्रमणका कारण मृत्यु हुनेको संख्या ९ हजार १ सय ४९ जनाको मृत्यु भएको हो ।
आज दिनभरमा इरानमा मात्रै १ सय ४९ जनाको मृत्यु भएको छ भने १ हजार ४६ जना संक्रमित थपिएका छन् । इरानमा मृतकको संख्या १ हजार २ सय ८४ पुगेको छ । पछिल्लोपटक दक्षिण कोरियामा ७, अमेरिकामा ५, जर्मनीमा ३, स्पेन २, स्वीट्जरल्याण्डमा ३ जनाको मृत्यु भएको छ ।
विश्वभर संक्रमितको संख्या २ लाख २३ हजार १ सय ४ पुगेको छ । जसमध्ये ८५ हजार ७ सय ९७ जना निको भएर घर फर्किएका छन् । १ लाख २८ हजार १ सय ५८ जना अस्पतालमा उपचाररत छन् । तीमध्ये ६ हजार ८ सय ८७ जनाको अवस्था गम्भीर छ ।
