पूर्वग्रह 'यम' को पहिलो पटक रंगीन तस्बिर खिचियो

“यो त सुरुवात मात्रै हो!!”

सन् २०१५ जुलाई १४को दिनमा नासाको न्यू होराइजन्स अन्तरिक्षयानले ब्रह्माण्डको एक्लो ग्रह प्लुटोमा ऐतिहासिक कदम चाल्नेछ र हाम्रो सामुन्ने त्यो चीसो ग्रहको बारेमा पर्दाफास गर्नेछ।

९ वर्षभन्दा बढीको लामो यात्रापछि न्यू होराइजन्स अन्तरिक्षयान गत हप्ताको भन्दा नजिक पुगेको छ र अब केवल ४ हप्ता अथवा ३ करोड २० लाख किलोमिटरको दुरी मात्र बाँकी छ। यो हप्ता नासाले प्लुटोको चल्ने तस्विर पठाएको छ, यो तस्विरमा प्लुटो र यसको उपग्रह क्यारन (Charon) को हलुका रङ्गिन रङ्ग देखिएको छ। यसरी प्लुटोको रङ्गिन तस्विर पहिलो चोटि खिचिएको हो र यो हेर्दा त्यति महत्वपूर्ण नलाग्न सक्छ तर विश्वास गर्नुहोस्, यसले धेरै महत्व बोकेको हुन्छ।

यो तस्विर अन्तरिक्षयानको बाहिरी भागमा जडान गरिएको ‘मल्टिकलर भिजिबल इमेजिङ्ग क्यामेरा’ (Multicolor Visible Imaging Camera) ले खिचेको हो। उक्त तस्विर मे २९ र जुन ३ को बीचको कुनै दिनमा खिचिएको नासाका वैज्ञानिकहरूले बताएका छन्। त्यतिबेला न्यू होराइजन्स प्लुटोबाट करिब ५ करोड किलोमिटरको दुरीमा रहेको थियो।

“यो रङ्गिन तस्विर नै हो किनभने ती रङ्गहरू हलुका सुन्तला रङ्ग र खैरो रङ्ग हुन् र यो तस्विर अन्तरिक्षयानकै क्यामेराले खिचेको हो। तर साना पिक्सेलले मात्रै बनेको यो तस्विरको कारणले गर्दा प्लुटोको वास्तविक रङ्ग देख्न नसकिएको हो। त्यसको लागि हामी कुर्न बाहेक अरू गर्न सक्दैनौँ।”- नासाको वैज्ञानिकले भने।

“यसरी प्लुटो र क्यारन घुमेको देख्दा रोचक लाग्छ”, नासाको मूख्य अनुसन्धानकर्ता एलन स्टर्नले भने- “यस्तो नराम्रो गुणस्तरको तस्विरमा पनि हामी प्रष्टैसँग प्लुटोको र क्यारनको रङ्गको भिन्नता छुट्याउन सक्छौँ। प्लुटो हलुका सुन्तला रङ्गको छ भने क्यारन खैरो रङ्गको छ। तर प्रश्नको कुरा के हो भन्दा यी दुवैको रङ्ग किन भिन्न भिन्न छ?”