२७ साउन, एजेन्सी । भारतको तमिलनाडु स्थित विल्लुपुरममा छोराको विवाहअघि नै एक व्यक्तिको मृत्यु भयो । तर उनको अन्तिम इच्छा पूरा गर्नका लगि छोराले पिताको शव अगाडि राखेर सात फेरा लगाए ।

३१ वर्षीय डी अलेक्जेण्डरको विवहा २ सेप्टेम्बरमा तय भएको थियो । तर शुक्रबार अचानक अलेक्जेण्डरका पिता देवमणीको मृत्यु भयो । देवमणी छोराको विवाहलाई लिएर धेरै खुशी भएर तयारीमा जुटेका थिए । उनको इच्छा थियो कि धुमधामका साथ छोराको विवाह गरिदिने । तर अचानक उनको मृत्युले परिवारलाई शोकमा डुबायो ।

तर अलेक्जेण्डरले निर्णय गरे कि पिताको काजकिरिया अघि नै आफ्नो विवाह गर्ने ता कि उनको इच्छा पूरा होस् । अलेक्जेण्डरले आफ्नो हुनेवाला दुलही २७ वर्षीया अन्नपूर्णानीसँग कुरा गरे । अन्नपूर्णानी एक विद्यालयकी शिक्षिका हुन् । बुबाको काजकिरियाअघि नै विवाह गर्ने अलेक्जेण्डरको प्रस्ताव उनले स्वीकारिन् । दुवै पक्षले विवाहको तयारी गरे ।

अलेक्जेण्डर र अन्नपूर्णानी विवाह बन्धनमा बाँधिए । अलेक्जेण्डरले बुबाको शवलाई जन्ती लैजानका लागि शवलाई नुहाइधुवाइ गरी सफा बनाएर नयाँ कपडा लगाइदिए । शुक्रबार विवाह गरेर फर्किएपछि उनीहरुले शनिबार शवको अन्तिम संस्कार गरेका छन् ।