३० असोज, काठमाडौं । राष्ट्रपति विद्यादेवी भण्डारी अहिले म्यानमारको राजकीय भ्रमणमा छिन् । म्यानमारका समकक्षी वीन मिन्टको औपचारिक निमन्त्रणमा हिजो त्यहाँ पुगेकी भण्डारी आज दिनभर विभिन्न भेटघाटमा व्यस्त रहिन् ।
समकक्षी मिन्ट, स्टेट काउन्सीलर आङ सान सुकी, सेना प्रमुख लगायतसँग राष्ट्रपति भण्डारीले भेटवार्ता गरेकी छिन् । राष्ट्रपति भण्डारी कात्तिक ३ गते म्यानमारको भ्रमण सकेर उतैबाट जापान जानेछिन् । जापानको भ्रमण सकेर राष्ट्रपति भण्डारी कात्तिक ६ गते काठमाडौं फर्कने परराष्ट्र मन्त्रालयले जनाएको छ ।
सबै तस्बिर: रासस
