३० फागुन, काठमाडौं । जनस्तरबाट चितवनको रामपुरमा निर्माण भइरहेको गौतम बुद्ध अन्तर्राष्ट्रिय क्रिकेट रंगशालाको पछिल्लो तस्बिर प्राप्त भएको छ ।
धुर्मुस सुन्तली फाउन्डेसनको अगुवाईमा निर्माण भइरहेको रंगशालाको ड्रोनबाट खिचिएको तस्बिर सार्वजनिक गरिएको हो । तस्बिर सिताराम कट्टेलले आफ्नो सामाजिक सञ्जालमा सार्वजनिक गरेका छन् ।
प्रेम पौडेलले ड्रोनबाट खिचेको तस्बिर रंगशाला एकदमै सुन्दर देखिएको छ । रंगशालाको बीचमा पिच निर्माण भइरहेको छ भने रंगशालाको बाहिर भागमा चौरमा रोप्नको लागि तयार पारिएको दुवो उमारिएको छ ।
तस्बिरमा रंगशालाको भित्री घेरोको निर्माण गरिँदै छ । अहिले निर्माण गरिएको भित्री घेरामा पानी पनि जम्मा गर्न सकिने फाउन्डेसनका अध्यक्ष सिताराम कट्टेलले जानकारी दिए । हेरौँ रंगाशालाका तस्बिरः
