१४ चैत, एजेन्सी । बेलायतका प्रधानमन्त्री बोरिस जोन्सनलाई पनि कोरोना भाइरसको संक्रमण पुष्टि भएको छ । उनले ट्वीट गर्दै आफूलाई पछिल्लो २४ घण्टामा हल्का लक्षण देखिएको र परीक्षण गराउँदा कोरोना पोजेटिभ पाइएको उल्लेख गरेका छन् ।
उनलाई केही समयदेखि हल्का ज्वरो र सुख्खा खोकी लागेको थियो । उनी घरमै सेल्फ आइसोलेसनमा बसेका छन् । तर भिडियो कन्फ्रेन्सको माध्यामबाट सरकार संचालन गर्ने उनले भनेका छन् । उनले कोरोना भाइरसविरुद्धको लडाइ मिलेर जित्ने पनि भनेका छन् ।
