२३ मंसिर, काठमाडौं । १३ औँ दक्षिण एसियाली खेलकुद (साग) अन्तर्गत मंगलबार हुने पुरुष फुटबल फाइनलको सबै टिकट बिक्री भइसकेको छ ।

सोमबार दिउँसो सागको टिकट विक्री तथा व्यवस्थापन गरिरहेको इसेवाले एक ट्वीट गर्दै फाइनल खेलका लागि ९ हजार २ सय टिकट विक्री भइसकेको जानकारी गराएको हो ।

मंगलबार सागको समापन समारोह पनि रहेकाले खेल सुरूहुनुभन्दा आधा घण्टा अगाडी अर्थात दिउँसो साढे २ बजे सबै दर्शक रंगशालामा प्रवेश गरिसक्नुपर्ने इसेवाले जनाएको छ ।

भीआईपी र भीभीआईपीको सुरक्षाव्यवस्थाका कारण दुई घण्टा अगाडी नै रंगशाला पुग्न इसेवाले आग्रह गरेको हो । मंगलबार साग खेल अन्तर्गतको पुरूष फुटबलतर्फ नेपाल र भुटान स्वर्ण पदका लागि भिड्दैछन् । खेल बेलुकी ३ बजेदेखि सुरू हुनेछ ।