१४ पुस, एजेन्सी । अक्षय कुमार स्टारर फिल्म गुडन्यूज बक्स अफिसमा तहल्का मच्चाइरहेको छ । तेश्रो दिन फिल्मको कमाईमा जबरजस्ती बढोत्तरी भएको छ । फिल्मले आइतबार एकैदिन २५ करोड ६५ लाखको कमाई गरेको छ । यसको साथै भारतीय बजार गुडन्यूजले ओपनिङ सप्ताहन्तमा ६४ करोृड ९९ लाख कमाएको हो ।
ट्रेड एनालिस्ट तरण आदर्शले तेश्रो दिनको कमाईको आँकडा सार्वजनिक गरेका छन् । तेश्रो दिन फिल्मको कमाई जबरजस्त छ । धेरैजसो हलहरुमा फिल्मको कमाईमा बढोत्तरी भइरहेको छ । फिल्मले मल्टिप्लेक्समा शानदार कमाई गरेका छन् । शुक्रबार फिल्मले १७ करोड ५६ लाख, शनिबार २१ करोड ७८ लाख र आइतबार २५ करोड ६५ लाख कमाए ।
२०१९ मा रिलिज भएको अक्षय कुमारको पहिलो सप्ताहन्तको कलेक्सनलाई हेर्ने हो भने केसरी फिल्मले ७८ करोड ७ लाख, मिसन मंगलले ९७ करोड ५६ लाख, हाउसफुल ४ ले ५३ करोड २२ लाख कमाएको थियो । यसमा केसरी र मिसन मंगलको ४ दिनलाई पहिलो सप्ताहन्त मानेका थिए । बिहीबार फिल्म रिलिज भएको कारणले पनि यी दुई फिल्मको सप्ताहन्तको कमाई एकदमै राम्रो भएको थियो ।
सोमबार पनि मल्टिप्लेक्समा गुडन्यूजको कलेक्सन एकदमै राम्रो हुने आशा गरिएको छ । मंगलबार देखि बुधबारदेखि न्यू ईएर सेलिब्रेसनले फिल्मको कमाई एकदमै राम्रो हुने देखिएको छ । पहिलो हप्ता सकिनुभन्दा पहिला गुडन्यूजको कलेक्सन १ सय करोडको आँकडा पारु गर्ने सम्भावना छ ।
