२७ भदौ, सप्तरी।
आन्दोलनकारीहरुको छुट्टा छुट्टै दुई टोलीले सप्तरी सदरमुकाम राजविराज र रुपनी बजारमा प्रदर्शन थालेपछि सप्तरीको माहौल तनावपुर्ण भएको हो । प्रदर्शनकारीहरुले राजविराज स्थित नेपाली काँग्रेसको जिल्ला कार्यालयमा आगजनी गरेका छन् ।
आगजनीका कारण पार्टी कार्यालयको सम्पुर्ण फर्निचर, दराज तथा महत्वपुर्ण कागजातहरु जलेर नष्ट भएको नेपाली काँग्रेस सप्तरीले जनाएको छ । घटना स्थलमा तत्कालै पुगेका प्रहरी टोलीले आगो नियन्त्रणमा लिएका थिए । स्थिती नियन्त्रणमा लिन प्रहरीले ४ राउण्ड अश्रु ग्यास तथा ६ राउण्ड हवाई फायर समेत गर्नु परेको सप्तरी प्रहरीले जनाएको छ ।
प्रहरीले प्रदर्शनमा रहेका सदभावना पार्टीका केन्द्रीय सदस्य दिनेश यादव, जिल्ला सचिव हरेराम यादव लगायत आधा दर्जन वढीलाई नियन्त्रणमा लिएको सदभावना पार्टीका जिल्ला अध्यक्ष सुनिल झाले जानकारी गराएका छन् ।
आगजनी प्रति काँग्रेसको भत्र्सनाः
यसैविच आफ्नो पार्टी कार्यालयमा भएको आगजनीको घटना प्रति नेपाली काँग्रेस सप्तरीका सभापति दिनेश यादवले भत्र्सना गरेका छन् । उक्त घटनालाई लोकतन्त्र प्रतिको उपहास भन्दै सभापति यादवले जारी आन्दोलनमा उठाईएका मागहरु सम्बोधन गरिनुपर्ने पक्षमा नेपाली काँग्रेस सप्तरी समेत रहेको जनाएका छन् ।
