१३ साउन, काठमाडौं । अछामको मेल्लेख गाउँपालिका–७ मा जिप दुर्घटना भएको छ । दुर्घटनामा दुई जनाको मृत्यु भएको छ । अन्य ५ जना घाइते भएका छन् ।
साँफेबगर नगरपालिकाबाट मेल्लेख गाउँपालिका जाँदै गरेको से १ ज ९८६ नम्बरको जिप नन्देगडा बजार नजिकै दुर्घटना भएको मेल्लेख गाउँपालिकाका अध्यक्ष लोकबहादुर बोहराले जानकारी दिनुभयो ।
उहाँका अनुसार मृत्यु हुनेमा मेल्लेख गाउँपालिका –७ नन्देगडाका कौशी साउद र सोही ठाउँका किथ्थी साउद रहेको छन् । अन्य ५ जना घाइते भएका छन् । घाइते मध्ये ४ जनाको अवस्था गम्भीर रहेको र उनीहरूको उपचार बयलपाटा हस्पिटलमा भइरहेको छ ।
