१७ मंसिर, काठमाडौं ।
भारतले जारी नाकाबन्दी खोल्नका लागि सरकारसँग शर्त राखेको छ । मधेशीहरुका माग पुरा गर्न संविधान संसोधन गरने र सीमाङ्कनको मुद्धा कम्तिमा ६ महिना भित्र टुङ्गो लगाउने गरि सहमति भएमा नाका खोल्न तयार रहेको संकेत दिल्लीले दिएको छ ।
भारतीय विदेशमन्त्री सुष्मा स्वराजले प्रधानमन्त्री केपी शर्मा ओलीलाई फोन सम्पर्क गरेर नाका खोल्नका लागि भारतका शर्तबारे जानकारी गराएकी हुन् ।
बरु मर्नु पर्छ, भारतसँग आत्म समर्पण गर्नु हुदैन- किर्तिनीधि विष्ट (भिडियो सहित)
परराष्ट्रमन्त्री कमल थापा दिल्ली भ्रमण गरेर फर्किए लगत्तै सुष्मा स्वराजले प्रधानमन्त्री ओलीलाई फोन गरेर यस्तो शर्त राखेको बालुवाटार श्रोतले बताएको छ ।
संसदमा प्रस्तुत हुन बाँकी रहेको अघिल्ले सरकारका पालको जनसंख्याको आधारमा निर्वाचन क्षेत्र तोक्ने र समानुपातिक समावेशी सहितको संशोधन बिधेयक अघि बढाउने र दलीय संयन्त्रबाट छ महिना भित्र सीमाङ्कन टुङ्ग्याउन तयार भए नाकाबन्दी खोल्न तयार रहेको भारतीय संकेत रहेको श्रोतको भनाइ छ ।
कमल थापाको असफल दिल्ली दौडाहाः सुष्माले झपारिन्, मोदीले भेट्न मानेनन्
मधेशका नेताहरुले भने भारतीय नाकाबन्दी खुले पनि आफ्नो राजनीतिक स्पेसका लागि आन्दोलन जारी राख्ने संकेत दिएका छन् ।
यी हुन् भारतीय राजदुतलाई निकाला गर्न माग गर्ने साहसी सांसद
परराष्ट्रमन्त्री थापाले भारतको चर्चित पत्रिका हिन्दुलाई दिएको अन्तर्वार्तामा ३ चरणमा समाधान गर्ने गरी सहमति भैसकेको दावी गरेका छन् । उनले गरेको संकेत अनुसार नै भारतबाट फोन आएको बताइएको छ ।
