बलिउड सुपरस्टार शाहरुख खानले फिल्ममेकर करण जौहर र आदित्य चोपडाले आफ्नो हरेक सपना पुरा गरिदिएको बताएका छन। आदित्य र करणको फोटो आफ्नो दाँयाबाँया राखेर शाहरुखले फोटो कोलाज ट्वीट गरेका थिए। फोटोसंगै उनले लेखेका छन् ‘सपना देख्नु राम्रो कुरा हो। तर यदी सपनाले राम्रो दिशा पाएन भने यसको कुनै अर्थ रहदैन।’

उनले अगाडी लेखे, ‘यी दुइ (करण र आदित्य)ले मेरो हरेक सपना पुरा गरे। म यो यसकारण भनिरहेछु कि तपाइको सपना भन्दा सपना पुरा गरिदिने बढी महत्वपूर्णं हुन्छन्।’
हेर्नुस् उनको ट्वीट:

शाहरुखले करणसंग कुछ-कुछ होता है, कभी खूसी कभी गम र माइ नेम इज खान जस्ता फिल्महरुमा काम गरेका थिए। त्यस्तै आदित्य चोपडासंग दिलवाले दुल्हनिया ले जाएंगे, जब तक है जान, वीर जारा र रब ने बना दी जोडी जस्ता फिल्ममा काम गरेका थिए। शाहरुखलाई रोमान्टिक हिरोको पहिचान दिने श्रेय यिनै दुइ फिल्ममेकर्सलाई जान्छ।

नयाँ प्रोजेक्ट
निर्देशक आनन्द एल रायको फिल्म ‘जिरो’ शाहरुखको अन्तिम फिल्म हो, जसले बक्सअफिसमा कुनै धमाल गर्न सकेन। त्यसपश्चात फिल्मका अफर नकार्दै आएका शाहरुख केवल परिवारसंग समय बिताउँदैछन्।

खबर छ कि शाहरुख सन् १९८२ मा रिलिज भएको अमिताभ बच्चन स्टारर सत्ते पे सत्ता को रिमेकमा देखिने छन्। यो फिल्मलाई फराह खानले निर्देशन गर्नेछिन्। फिल्म रोहित शेट्टीको निर्माणमा बन्नेछ।