एजेन्सी।
र्याप सङ्गीतमा आफ्नो पहिचान बनाएका ‘यो यो हनी सिंह’ले बलिउडमा समेत डेब्यू गरेका छन्। उनको चलचित्र ‘जोरावर’को ट्रेलर गत विहिबार रिलिज भएको छ।
‘जोरावर’ पञ्जाबी चलचित्र हो, जसमा हनी सिंह एक फौजीको रूपमा देखिएका छन्, जो आफ्नो पहिचान खोज्न हिँड्छन्। ट्रेलर हेरेर के अनुमान लगाउन सकिन्छ भन्दा फिल्ममा एक्सनको साथ-साथ म्यूजिक र रोमान्सको मसाला पनि मिसाइएको छ।
यस चलचित्र यहि मे महिनाको ६ तारिखमा रिलिज हुनेछ। हनी सिंह लगायत, यस चलचित्रमा गुरबानी जज, पारुल गुलाटी, पवन मल्होत्रा र मुकुल देवको पनि प्रमुख भूमीका रहेको छ। विलिल मार्कन द्वारा निर्देशित यस चलचित्रमा स्वयं हनी सिंहले नै सङ्गीत भरेका छन्।