संविधान जारी भएपछि भारतीय दुताबासको विज्ञप्ति

३ असोज, काठमाडौं ।

नेपालस्थित भारतीय दुतबासले नेपालको संविधान २०७२ लागु भएकोमा स्वागत गर्दै देशमा विभिन्न भागमा देखिएका हिंसात्मक घटनाप्रति चिन्ता ब्यक्त गरेको छ ।

नेपालको संघीयता गणतन्त्रात्मक संविधान जारी गर्न भारतको साथ र सहयोग रहेको उल्लेख गर्दै भारतीय दुताबासले भारतसँगको सीमा क्षेत्रमा रहेका नेपाली भभूभागमा देखिएका तनावप्रति चिन्ता ब्यक्त गरेको छ ।

भारतीय राजदुतले प्रधानमन्त्री सुशील कोइरालासँग कुरा गरेको जानकारी सहित यो विज्ञप्तिमा फरक मतहरुलाई वार्तामार्फत समाधान गर्ने वातावरण बनोस भन्ने सुभेच्छा समेत ब्यक्त गरिएको छ ।