बुटवल, ३ असार । गौतमबुद्ध विमानस्थलबाट प्रहरीले हतियारसहित भारतका नागरिकलाई नियन्त्रणमा लिएको छ ।
भारतको सिन्दुनगर कृष्णनगर मानसनगर लखनउ उत्तर प्रदेश ठेगाना भएका ५० वर्षीय उमेश शुक्लालाई विमानस्थलमा सुरक्षार्थ खटेका प्रहरीले जाँचका क्रममा १६ राउण्ड गोलीसहित दुई म्यागेजिन र पेस्तोलसहित नियन्त्रणमा लिएको जिल्ला प्रहरी कार्यालय रुपन्देहीका प्रवक्ता प्रहरी नायब उपरीक्षक धर्मराज भण्डारीले जानकारी दिए।
भैरहवास्थित गौतमबुद्ध विमास्थलबाट मंगलबार दिउँसो १ बजे बुद्ध एयरको उडानद्वारा पोखरा जाने क्रममा शुक्लाको लगेज जाँच गर्दा चेकोस्लाभाकियामा बनेको पेस्तोल र गोली फेलापरेपछि प्रहरीले तत्काल निजलाई नियन्त्रणमा लिई अनुसन्धान शुरु गरिएको प्रहरी प्रवक्ता भण्डारीले जानकारी दिए ।
