पशुहरुको छैटौँ इन्द्रिय निकै विकसित भएको हुन्छ, यसको कुनै ठोस आधार छैन तर विश्वास गरिदैँ आइएको छ । त्यसमा पनि कुकुर एक चनाखो र इमान्दार जनावर हो, जसलाई हामी माया गरेर परिवारको सदस्य जसरी पाल्छौ ।
प्राचिन कालदेखि नै कुकुर मान्छेको साथमै रहँदै आएको छ, त्यसैले कुकुरका केही यस्ता गतिविधि जसले हामीलाई भविष्यको बारेमा संकेत गर्छ । यस्तै कुकुरका केही गतिविधि हेरेर हामी सतर्क रहनुपर्छ ।
– यदि तपाईको घरअगाडि कुकुरहरुले समूह बनाएर बस्छन् भने यो शुभ संकेत नहुने बताइन्छ । यो तपाईको घरभित्र नकारात्मक शक्ति, कलह वा कुनै चिन्ताको संकेत हो भनिन्छ ।
– तपाई कतै शुभ कार्यमा जाँदै हुनुहुन्छ र कुकुर तपाईको अघि आएर कान फड्काउँछ भने यो तपाई जुन कामको लागि जाँदै हुनुहुन्छ त्यो काम नहुने वा कुनै समस्या वा कष्टको सामना गर्नुपर्ने संकेत हो ।
– मध्यान्नको समयमा यदि कुकुर आकाशतिर फर्केर भुक्छ भने यो खडेरी र प्राकृतिक आपत्को संकेत हो भनिन्छ ।
– कुनै कामका लागि जान लाग्दा कुकुर जमिनमा पुरै जिउ फालेर सुतेमा यो यात्रामा कष्ट सामना गर्नुपर्ने संकेत हो । कतै जाँदा सावधान भएर हिड्नु पर्ने संकेत दिएको बुझिन्छ ।
– यदि कुकुरले तपाईको घरको जुत्ता–चप्पल चोरेर भाग्छ भने यो आर्थिक संकट तथा आर्थिक नोक्सानीको संकेत मानिन्छ ।
– कुकुर घरको दैलो वा गेट छेउमा आएर रुन थाल्छ भने अशुभको संकेत मानिन्छ । यस्तो गतिविधि देखाएमा घरमा दुर्घटना तथा ठूला घटना हुने संकेत हो ।
– कुकुर आपसमा लडाई गरिरहे भने यो विवादको संकेत मानिन्छ । यस्तो अवस्थामा सोचेर मात्रै बोल्नुपर्छ भनिन्छ ।
