९ असोज, काठमाडौँ।
प्राविधिक समस्याका कारण शनिबार ग्राउन्डेड भएको नेपाल वायु सेवा निगम (नेपाल एयरलाइन्स)को विमानले सोमबारदेखि उडान सञ्चालन गर्ने भएको छ ।
विमानको भोलि साँझसम्म मर्मत सकेर पुनः उडान सञ्चालन गरिने निगमका कर्पोरेट निर्देशक एवम् प्रवक्ता रामहरि शर्माले राससलाई जानकारी दिए ।
नेपाल एयरलाइन्सको एयरबस ३२०, नाइन एन एकेडब्लु कलसाइन सगरमाथा नामको विमान शनिबार त्रिभुवन अन्तर्राष्ट्रिय विमानस्थलमा सुरक्षित अवतरण गरिएको थियो ।
संयुक्त अरब इमिरेट्सको आवुधावीबाट आएको उक्त विमानमा प्राविधिक समस्या देखिएपछि पाइलटले सुरक्षित अवतरण गराएका थिए । निगमले दुईवटा एयरबस र एउटा बोइङबाट अन्तर्राष्ट्रिय उडान भर्दै आएको छ । रासस
