नुन हालेको मनतातो पानीले साँझ–बिहान गार्गेलिङ गर्नुपर्छ । यसले गलामा आराम मिल्छ ।
धूम्रपानबाट टाढै रहनुपर्छ । ज्यादा मसालेदार खाना खानुहुन्न । त्यसैगरी फ्रिजमा राखिएका वा अन्य कुनै पनि चिसो चिजको सेवन गर्नुहुँदैन ।
मनतातो पानी पिउनु फाइदाजनक हुन्छ । त्यसमा हलुका अदुवाको धुलो वा ताजा कागतीको रस मिलाउँदा अझ राम्रो हुन्छ ।
धुलो, धुवाँ र चिसोबाट बच्नुपर्छ । धुलो, धुवाँको समस्या हुने ठाउँमा राम्रो मास्कको प्रयोग गर्नुपर्छ ।
अदुवा, अलैँची र मरिच हालेको चियाले गलाको खसखसमा आराम मिल्छ । यसमा जीवाणुरोधक गुण हुने हुनाले समस्या समाधानमा सहयोग पुर्याउँछ ।
गलाको खसखस टन्सिल हुँदै गम्भीर समस्या बन्न सक्ने भएकाले अवस्था जटिल हुँदै गए चिकित्सकको सल्लाह लिनुपर्छ ।