२ माघ, काठमाडौं ।
मलेसियाको क्वालालम्पुरबाट आएको एयर एसियाको जहाज त्रिभुवन विमास्थलमा बस्नै लाग्दा आइतबार ओभरसुट गराइएको छ ।
विमानस्थलस्थित टावरले रनवेमा एकैपटक तीनवटा कुकुर देखिएको भन्दै विमान टोलीको चालक दललाई जानकारी गराएपछि कोटेश्वरबाट एयरपोर्टमा बस्न लागेको जहाजलाई ओभरसुट गराइएको हो ।
बस्न लागेको जहाज टावरबाट कुकुरको सूचना आएलगत्तै उचाई लिन पुगेको थियो । केही समय काठमाडौंको आकाशमा होल्ड गरेपछि जहाज त्रिभुवन विमानस्थलमैं अवतरण गरेको थियो ।
कुकुरका कारण भारतको दिल्लीबाट आएका एयर इण्डिया र जेट एयरको उडान पनि प्रभावित हुन पुगेको थियो । विमानस्थलमा सुरक्षामा खेलाँची हुँदा यस्तो हुन पुगेको हो ।