१४ भदौ, काठमाडौं ।
भारतीय गृहमन्त्री राजनाथ सिंहले नेपालमा १ करोड भन्दा बढी भारतीय रहेको र उनीहरुको सुरक्षाबारे भारत चिन्तित रहेको बताएको भन्दै नेपालमा हंगामा भएपछी भारतीय विदेशमन्त्रालयले यसबारे स्पष्टीकरण दिएको छ ।
गृहमन्त्री सिंहले यस्तो बताएको भन्दै इण्डिया टुडेले प्रकाशित गरेको समाचारमा लेखिएको कुरामा कुनै सत्यता नरहेको र गृहमन्त्रीले यस्तो कुरा बोलेको कुरा अस्वीकार गरेको जानकारी समेत विदेशमन्त्रालयले जारी गरेको विज्ञप्तिमा जनाइएको छ ।
इण्डिया टुडेले लखनउको महाराजगंजमा निर्मित ससस्त्र सिमा पोष्टको उद्घाटनका क्रममा गृहमन्त्री राजनाथ सिंहले नेपालमा जारी तनावका कारण भारतीयहरु असुरक्षित बनेको टिप्पणी गरेको भन्दै हेडलाइन बनाएपछि नेपालमा तरंग उत्पन्न भएको थियो ।
