चैत १३,काठमाडौं।
प्रधानमन्त्री सुशील कोइरालाले सत्तासाझेदार नेकपा एमालेको दबाबमा आफूले मेडिकल कलेज सम्बन्धन खोल्नुपरेको जनाउँदै त्यसबारे एक्लै निर्णय गर्नै नसक्ने बताएका छन् ।
बालुवाटारमा बिहीबार आफूलाई भेट्न आएका मानवअधिकारकर्मी तथा चिकित्सकले डा. गोविन्द केसीको माग सम्बोधन आग्रह गरेपछि प्रधानमन्त्री कोइरालाले जवाफमा ‘सत्तासाझेदार नेकपा एमालेको सहमतिबिना कुनै निर्णय गर्न नसक्ने’ निरीहता प्रकट गरेका हुन् ।
‘बरु तपाईंहरुले एमाले अध्यक्ष केपी ओलीलाई पनि यस विषयमा सम्झाइदिनू,’ प्रधानमन्त्री कोइरालाको भनाइ उद्धृत गर्दै भेटमा संलग्न चिकित्सक डा. केदारनरसिंह केसीले भने । आजको नागरिक दैनिकमा खबर छ ।