२४ मंसिर, काठमाडौं । प्रधानमन्त्री केपी शर्मा ओलीलाई अस्पताल भर्ना गरिएको छ । मंगलबार साँझ ओलीलाई शिक्षण अस्पतालस्थित मनमोहन कार्डियो भास्कुलर एन्ड ट्रान्सप्लान्ट सेन्टरमा लगिएको हो ।
सम्माननीय प्रधानमन्त्री नियमित डाइलासिसका निम्ति साँझ मनमाेहन सेन्टर महाराजगन्ज जानुभएकाे छ। उहाँ अाजै निवास फर्कनुहुनेछ ।
— Surya Thapa (@ThapajiSurya) December 10, 2019
नियमित डायलसिस गर्न प्रधानमन्त्री ओलीलाई अस्पताल लगिएको उनका प्रेस सल्लाहकार सुर्य थापाले जानकारी दिए । उनका अनुसार प्रधानमन्त्री ओलीलाई आजै सरकारी निवास वालुवाटार फर्काइनेछ ।
प्रधानमन्त्री ओलीको यसअघि पनि पटकपटक हेमोडायलसिस गरिएको थियो । मृगौलाका आवश्यकता अनुसार काम गर्न नसकेपछि प्रधानमन्त्री ओलीलाई पटकपटक हेमोडायलसिसस गरिँदै आएको छ ।
