१८ फागुन,काठमाडौं ।
एसिया कप क्रिकेट अन्तर्गत गएराति भएको खेलमा पाकिस्तान विजयी भएको छ। पहिलो खेलमा भारतसँग हारेको पाकिस्तानले गएराति भएको दोस्रो खेलमा युएईलाई ७ विकेटले हराएको हो ।
खेलमा पहिले व्याटिङ गरेको युएईले निर्धारित २० ओभरमा ६ विकेट गुमाउँदै १२९ जन जोड्यो । जवाफमा १३० रनको सामान्य लक्ष्य पाकिस्तानले ८ बल बाँकी छँदै ३ विकेट गुमाएर पुरा ग-यो ।
पाकिस्तानका लागि शोएब मल्लिकले अविजित ६३ रन तथा उमर अकमलले अविजित ५० रनको योगदान दिए । जितसँगै पाकिस्तानले एसिया कप क्रिकेटमा २ खेलबाट २ अंक जोडेको छ ।
समान खेलबाट ४ अंक जोडेको भारत अंक तालिकाको शीर्ष स्थानमा छ भने एक खेल बढी खेलेको बंगलादेश ४ अंकसहित दोस्रो स्थानमा छ । भारत, पाकिस्तान, बंगलादेश, श्रीलंका र युएई सहभागि प्रतियोगिताका शीर्ष दुई टोलीले फाइनल खेल्ने प्रावधान छ । प्रतियोगिता अन्तर्गत आज हुने खेलमा भारत र श्रीलंका भिड्नेछन् ।।
