११ मंसिर, लुम्बिनी (रुपन्देही) ।
रुपन्देहीको बुटवलमा रोकी राखिएको भारतीय नम्बर प्लेटको मिनी ट्रकमा आगजनी भएको छ ।
बुटवलको राजमार्ग चौराहामा आज ११ बजेतिर केरा बोकेको यूपि ५६–३०१६०१ नम्बरको मिनी ट्रकमा आगजनी भएको प्रहरीले जनाएको छ । ट्रक बिहानैदेखि राजमार्ग चौराहामा रोकिएको थियो ।
ट्रकमा कस्ले आगो लगायो भन्ने पूर्णरुपमा खुल्न नसकेको भए पनि नेकपा माओवादीको नेत्रविक्रम चन्द समूहले लगाएको प्रहरी स्रोतले जनाएको छ ।
प्रहरीले ट्रक चालकलाई नियन्त्रणमा लिएर अनुसन्धान सुरु गरेको जिल्ला इलाका प्रहरी कार्यालय बुटवलले बताएको छ । आगलागीबाट ट्रकको अगाडिको भाग र टायर जलेको छ ।
