काठमाडौं, २८ बैशाख । इण्डियन प्रिमियर लिग (आइपीएल) क्रिकेट सकेर स्वदेश फर्कने तयारीमा रहेका नेपाली लेग स्पीनर सन्दिप लामिछानेले आफ्नो टिम दिल्ली क्यापिटल्सका सबै सदस्यलाई धन्यवाद दिएका छन् ।
शनिबार साँझ ट्वीट गर्दै सन्दिपले दिल्ली क्यापिटल्स परिवारको सदस्य हुन पाउँदा आफूलाई गर्व लागेको उल्लेख गरेका छन् । टिमले खेलेका १६ खेलमध्ये १० खेल बेञ्चमै विताएपनि सन्दिपले आफूले प्रतियोगिताको यो सिजन पूर्ण रुपमा इन्जोय गरेको बताएका छन् । पहिलोपटक प्लेअफ प्रवेश गरेर टिमले नयाँ इतिहास रचेको सन्दर्भमा उनले लेखेका छन्, ‘यो प्रतियोगिता हाम्रा लागि सानदार रह्यो ।’
उनले टिमका खेलाडी, प्रशिक्षक, सपोर्टर सबैलाई धन्यावद पनि दिएका छन् । सन्दिपले आइपीएलको यो संस्करणमा खेलेका ६ खेलमा ८ विकेट लिएका थिए ।
Greatful for being a part of @delhicapitals family. Absolutely enjoyed this season. Was a great tournament for us, Thanks to all the players, coaching staff, management team & all the well wishers for your kind love and support. Great experience. #Delhi_Captials #Jai_Nepal???????? pic.twitter.com/dR0575fDQf
— Sandeep Lamichhane (@IamSandeep25) May 11, 2019