सपना नदेख्ने मानिस सायदै भेटिएला। भन्ने नै हो भन्ने सबैले सपना देख्छन्, जनावरले पनि सपना देख्छन्, यो पुष्टि भएकै कुरा हो। तर फरक के छ त भन्दा कसैलाई आफ्नो सपना याद हुन्छ भने कसैलाई हुँदैन। सपना भनेको हाम्रै अर्धचेतन मनको छायाँ हो भन्न सकिन्छ। हामीभित्र रहेको डर, त्रास, खुसी अनि अनुभवबाटै सपना परावर्तित भएर आउने गर्दछ।
तर, कहिलेकाहिँ सपना पनि अचम्मको देखिन्छ, जसलाई हाम्रै मनबाट पैदा भएको हो भन्न पनि गाह्रै पर्छ। ज्तोतिषशास्त्रको कुरा मान्ने हो भने, हरेक सपनाको आफ्नै अर्थ हुन्छ अनि हरेक सपनाले हाम्रो भूत, वर्तमान र भविष्यकै सङ्केत गरेको हुन्छ।
