१५ असार, सिरहा । सिरहाको मिर्चैया नगरपालिका ७ मा आज यात्रुबाहक बस पल्टिँदा १३ जना घाइते भएका छन् ।
कटारीबाट आउँदै गरेको ना३ख २२५७ नम्बरको बस अनियन्त्रित भएर पल्टिँदा १३ जना घाइते भएको इलाका प्रहरी कार्यालय मिर्चैयाका प्रहरी निरीक्षक हरि खतिवडाले जानकारी दिए ।
उनका अनुसार घाइतेहरुको स्वास्थ्य अवस्था खतरामुक्त छ ।
घाइते सबैको उपचार मिर्चैयास्थित रेखा नर्सिङ होममा भइरहेको छ । फरार बस चालकको खोजी भइरहेको छ ।
