हेडलाइन्स विश्लेषण । काठमाडौं ।
संविधान संसोधन, स्थानीय तहको सीमाकंन र तीन तहका चुनावको राजनीतिक सरगर्मीबाट नेपाली राजनीति ‘प्याराडाइम सिफ्ट’ हुँदै अख्तियार प्रमुखलाई महाअभियोज प्रस्ताव दर्तासम्म पुग्दा राजनीतिमा एकाएक हलचल आएको छ । केही छनक र कसैलाई पनि थाहा नदिइकन माओवादी र एमालेका १५७ सांसदका कार्कीविरुद्ध संसद सचिवालयमा कार्कीविरुद्ध महाअभियोग बुधबार दर्ता भएपछि राजनीति एकाएक तरगिंत हुन पुगेको हो ।
भारतीय चलखेलपछि एमालेको निर्णय
ओली सरकारलाई विस्थापित गर्दै कांग्रेस र माओवादी केन्द्रको गठबन्धन बन्ने तर, सत्ता फेरिएपछि दुई ध्रुव जस्ता बनेका माओवादी केन्द्र र एमालेको अग्रसरतामा महाअभियोग दर्ता हुँदा अब राजनीति कता जाला भन्ने नै ठम्माउन कठिन देखिएको छ ।
किनकी बुधबार कार्कीविरुद्ध दर्ता भएको महाअभियोग प्रस्ताव बिहीबारको संसद बैठकमा प्रस्तुत हुने कार्यक्रम भए पनि तीन दिनलाई संसद बैठक सूचना टाँस गर्दै स्थगित हुनुले अर्को गम्भीर आशंका उत्पन्न गराइदिएको छ । सत्तारुण दलबीच नै समन्वय नभएको र दर्ता गराउन हस्ताक्षर गरेका सांसदले नै आश्चर्य व्यक्त गरेपछि कार्की प्रकरण झन् रोमाञ्चक बन्ने देखिएको छ । आइतबारसम्मलाई संसद बैठक स्थगित भएको छ भने कांग्रेसले आजैबाट केन्द्रीय समितिको बैठक सुरु गरेको छ ।
लोकमान काण्डमा भारत घुस्यो, दुताबासबाट आयो अर्कै प्रस्ताव
सत्तारुढ भएर पनि बिहीबार प्रधानमन्त्री प्रचण्डसँग कांग्रेस सभापति शेरबहादुर देउवाले आफूले एक्लै निर्णय गर्न नसक्ने बताइदिएका थिए । उनले यस्तो बताएपछि अब सत्ता समीकरण नै के हुन्छ भन्ने प्रश्न पनि उठेको छ । यद्यपी कांग्रेसका सांसदलाई महाअभियोगबारे थाहा नदिइए उनीहरु पनि कार्कीलाई हटाउने पक्षमा छन् ।
यस अघिदेखि कार्कीलाई हटाउनुपर्छ भन्नेमा अगुवाई गर्ने कांग्रेस सांसदहरुमा गगन थापा, धनराज गुरुङ, रामहरि खतिवडासहितका छन् । त्यसैले अब कार्कीको महाअभियोग प्रस्ताव के हुन्छ भन्ने बल कांग्रेसको कोर्टमा पुगेको छ । कांग्रेसको समर्थनविना कार्कीमाथि लागेको महाअभियोग प्रस्ताव पारित नै हुने अवस्था छैन । त्यसैले अब कांग्रेसले कस्तो निर्णय लिन्छ भन्नेमा यो प्रस्ताव के हुन्छ भन्ने टुंगो लाग्ने देखिन्छ ।
राष्ट्रिय राजनीतिका संविधान कार्यान्वयन, स्थानीय तह, प्रदेश र केन्द्रीय संसदको चुनावको विषयमा मारामार बहस हुनुपर्ने समयमा लोकमान प्रकरण भित्रिने र सत्तासमीकरणसमेत के हुने भन्नेको छिनोफोनो अब कांग्रेसतिर गएको छ । किनकी माओवादी र एमालेसँग कार्की हटाउनसक्ने दुई तिहाई मत छैन । यसमा कांग्रेसको सहमति अनिवार्य छ । सत्ताको समीकरण नै गिजोलिने अवस्था आए राजनीतिक मुडभेड झन् बढ्ने भएकोले कांग्रेसको बुद्धिमतापूर्ण निर्णयमा राजनीतिको बाटो डोहोरिने देखिन्छ ।
कांग्रेसमा पनि दबाब छ
यस अघि कांग्रेसकै सांसदहरु पनि लोकमानलाई हटाउनुपर्छ भन्दै अभियान थाल्दै आएका थिए । अहिले लोकमान तीव्र अलोकप्रिय भएकोमा कांग्रेसकै सांसदसमेत सहमत छन् । तर, उनीहरुको असन्तुष्टी अविश्वासप्रस्तावमा भन्दा पनि आफूहरुलाई थाहा नदिएकोमा छ ।
‘हामीलाई अब अविश्वासको प्रस्तावबाट ब्याक हुन गाह्रो छ । किनकी सारा मानिस लोकमानविरुद्ध छन् । पब्लिकले लोकमानलाई रुचाएका छैनन्’ कांग्रेसका एक सांसद भन्छन्, ‘प्रचण्ड र ओलीहरु राख्न हुन्न भन्नेमा छन् । हामी कांग्रेसीहरु पनि लोकमानको निरन्तरता चाहँदैनौं । थाहा नदिइकन अविश्वास प्रस्ताव दर्ता गरियो भन्ने मात्र हो । आन्तरिक छलफलपछि कांग्रेसले पनि पास गर्छ ।’
ओली-प्रचण्डको अर्को एक गोप्य भेट, प्रचण्ड सरकार ढल्ने कारण बन्न सक्छ
कांग्रेसका ती सांसदका अनुसार माओवादीका सांसदलाई बिजुलीको पोल र तार दिने भनेर हस्ताक्षर गरिएको, बजेट दिने भनेर हस्ताक्षर गरेको गुनासो गरेको पनि ती सांसद बताउँछन् । तर, लोकमानलाई हटाउन हुँदैन भन्नेमा एमाले र माओवादी पूरै तयार र कांग्रेसमा हटाउनै पर्ने हटाउन नहुने भन्ने दुई मत अझै्र छ । यस्तो मान्यताका बीच बिहीबार ३ बजेबाट सुरु भएको बैठकले कस्तो निर्णय लिन्छ भन्ने विषय नै मुख्य हुने देखिएको छ ।
साउदी राजपारिवारले संसारसँग लुकाएका ७ कुरा, राजाले छोरीलाई पनि छोडेनन्
