२६ माघ, काठमाडौं ।
नेपाली कांग्रेसभित्र त्यागी र सादगी नेताको रुपमा आफूलाई चिनाउन सफल पूर्वप्रधानमन्त्री एवं सभापति सुशील कोइरालाको निधनले सबैलाई स्तब्ध तुल्याएको छ । कोइरालाको निधनले नेपालमा मात्र होइन भारतीय मिडियामा पनि चर्चा पाइरहेको छ ।
यसबीच विविसी हिन्दी सेवाको अनलाइन संस्करणले सुशील कोइरालाको जीवनीबारे चर्चा गर्दै उनले भारतको जेलमा ३ वर्ष विताएको घटनाको चर्चा गरेको छ ।
विविसी हिन्दीले कोइरालाको जन्म सन् १९३९ को अगष्ट १२ मा भारतको बनारसमा भएको दावी गरेको छ । यद्यपी नेपालमा भने कोइरालाको जन्म सन् १९३९ मा बिराटनगरमा भएको रेकर्ड छ ।
विविसीको फिचरमा नेपालमा चलिरहेको सरकार विरोधी आन्दोलनका क्रममा विमान अहपहरणमा संलग्न भएको समेत लेखेको छ । सोही विमान अपहरण काण्डमा सुशील कोइरालालाई भारतमा ३ वर्ष सम्म जेल सजाय भएको र उनले भारतीय जेलमा उक्त समय विताएको पनि फिचरमा उल्लेख गरिएको छ ।
