१७ साउन, सुर्खेत ।
सुर्खेत जिल्ला प्रशासन कार्यालय सुर्खेतमा कार्यरत एक प्रहरी जवानले आफैमाथी गोली हानी आत्महत्या गरेका छन् । दाङ घरभइ हाल जिल्ला प्रसासन कार्यालय सुर्खेतमा कार्यरत २८ बर्षीय शिब बहादुर केशीले शुक्रबार साझ आफ्नै कार्यालयमै पेस्तोल हानी आत्महत्या गरेका हुन् ।
प्रहरी हवल्दार कोठाबाट बाहीर गएको मौका छोपी प्रहरी जवान केशीले सीरानीमुनी लुकाइ राखेको चाइनीज पेस्तोल आफैमाथी प्रहार गरी आत्महत्या गरेको जिल्ला प्रहरी कार्यालय सुर्खेतका प्रहरी निरीक्षक प्रकाश डांगीले जानकारकी दिए ।
घटनाको बारेमा थप अनुसन्धान भइरहेको छ । मृतक केशीको शव मध्यपश्चीम क्षेत्रीय अस्पताल सुर्खेतमा राखीएको छ ।
