एजेन्सी ।
टर्कीको विमान सेवाले भड्किला कपडा लगाएर सेक्सी बनेको भन्दै एक जागिरबाट निकालेको छ । विमान सेवाका अध्यक्षले टर्कीमा पछिल्लो समय कट्टरता बढेका कारण उनलाई जागिरबाट निकाल्न दवाव आएको बताएका छन् ।
३१ वर्षीया एयरहोष्टेस जुहाल संगुल एक मोडल समेत हुन् । एक इटालियन म्यागजिनमा प्रकाशित उनको तस्विर भाइरल भएको थियो । उनको तस्विरमा छोटा कपडा लगाएर कामुक पोज दिएकी छिन् ।
यो तस्विरकै कारण उनको जागिर गएको हो ।
गत वर्ष मात्र टर्की एयरलाइन्सले एयरहोष्टेसलाई लिपस्टिक र कलरफुल मेकअपमा प्रतिबन्ध लगाएको थियो । पछिल्लो घटनाले युरोपेली युनियनमा एसोसिएट सदस्य रहेको टर्कीमा देखिएको मुस्लिम कट्टरता भने बढ्दै गएको पुष्टी गरेको विश्लेषकहरुले बताएका छन् ।
