२० माघ, काठमाडौं ।
एकीकृत नेकपा माओवादीका अध्यक्ष पुष्पकमल दाहाल प्रचण्डले आवश्यक परे जनताका लागि फेरी बलिदानी दिन तयार रहेको बताएका छन् । जनवर्गिय संगठन वाईसिएलको केन्द्रिय समिति बैठकलाई पार्टी कार्यालय पेरिसडाँडा कोटेश्वरमा सम्बोधन गर्दै अध्यक्ष प्रचण्डले आफूलाई साथ दिन कार्यकर्तालाई आग्रह गरे । आफूहरुलाई सुविधाभोगी भएकाले आन्दोलन गछौं भन्दा नपत्याएको भन्दै प्रचण्डले भने, तपाईहरुले पनि भनेर पत्याउनुहुन्न भने आन्दोलनमा टाउको फुट्छ र रगत बग्छ अनि मात्र विश्वास गर्नुहुन्छ ।’
अव १० वर्षे जनयुद्ध, जनआन्दोलन लगायत आन्दोलनबाट प्राप्त उपलब्धी गुम्ने खतरा भएको भन्दै वाइसिएल नयाँ ढंगले अघि बढ्नु पर्ने प्रचण्डको भनाई थियो । ‘आन्दोलन शसक्त ढंगले परिचालन गर्नुपर्छ ।’ प्रचण्डले भने म आफै पनि राष्ट्रपति पदका लागि होइन । जनताको सेवाका लागि संघर्षमा आउन तयार छु ।’
लामो समय जनताको हक अधिकारका लागि भएका बलिदानको अवमूल्यन गर्ने र परिवर्तन नस्वीकार्ने गरी कांग्रेस एमाले यथास्थितीवादको दलदलमा फसेको प्रचण्डले आरोप लगाए । अहिलेको अवस्थामा जनयुद्ध, जनआन्दोलन, सरकार सञ्चाल लगायत सबै अनुभव आफूहरुसँग भएको भन्दै प्रचण्डले यथास्थितीवादी शक्तिलाई बढार्न सबै खाले भूमिका निर्वाह गर्नुपर्ने बताए ।
त्यसैले त्यही खाले आयोजना र कार्यक्रम तर्जुमा गरिएको प्रचण्डले बताएका वाईसीएल संगठन विभाग प्रमुख लक्ष्मी चौलागाँईले जानकारी दिए । कांग्रेस एमालोले परिवर्तन, जनताको भावना र आकांक्षा स्वीकार्न तयार नभएको भन्दै प्रचण्डले अव सानो तिाने आन्दोलनबाट पनि उनीहरु रुपान्तरिक हुने अवस्था नरहेको बताए । शसक्त आन्दोलनले मात्र कांग्रेस एमालेलाई घुँडा टेकाउन सकिने प्रचण्डको भनाई थियो ।
यो पनि हेर्नुस्
जनताको बीचमा जान्छौं, जनताको फैसला सर्वोपरी हुन्छ
ओलीमाथि प्रचण्डको हमला-नेपालमा यस्ता मान्छे पनि नेता भएका छन्
