उत्तर कोरियाभन्दा बढि रुससंग डराउँछ अमेरिका

११ वैशाख, एजेन्सी ।

अमेरिकी राजनीतिक पण्डित भलै उत्तर कोरियालाई सबैभन्दा खतरनाक मान्छन्, धेरैजसो अमेरिकीको धारणा भने ठिक उल्टो छ। उनीहरु प्योंगयांग भन्दा रुसलाई बढी खतरा ठान्छन्।

प्यु रिसर्च सेन्टरले अमेरिकी नागरिकहरुबीच गरेको एक हप्ता लामो सर्भेबाट यो कुराको पुष्टि भएको हो । सर्भेको अनुसार हरेक ३ अमेरिकनमध्ये १ ले बढि खतरनाक राष्ट्रमा रुसको नाम लिएका थिए । रिपब्लीकनको तुलनामा डेमोक्रेट अमेरिकीहरुले रुस बढि खतरनाक भएको बताएका थिए।

प्यु रिसर्च सेन्टरले यो ताजा सर्भे उत्तर कोरियासंगको हालै उत्पन्न तनाव भन्दा पहिले गरेको थियो। यो सर्वे ५ अप्रिल देखि ११ अप्रिलकोमा गराइएको थियो ।