एजेन्सी ।
भारतको चर्चित क्रिकेट प्रतियोगिता इण्डियन प्रिमियर लिग बुधबार देखि शुरु भएको छ । पहिलो खेलमा अघिल्लो वर्षको विजेता बलिउड अभिनेता शाहरुख खानको टिम कोलकाता नाइट राइडर्स केकेआरले भारतका सबै भन्दा धनी ब्यक्ति मुकेश अम्बानीकी पत्नि नीता अम्बानीको टिम मुम्बइ इण्डियन्सलाई हरायो ।
कोलकातामा भएको खेलमा आइपिएलको खेल हेर्न शाहरुख खान पनि उपस्थित थिए । तर रंगशालमा पुगेका शाहरुख खान भन्दा बढी आकर्षण देखिए उनका कान्छा छोरा अबराम खान ।
बाउ छोरा मैदानमा प्रवेश गर्दा धेरैले शाहरुखलाई भन्दा बढीको चासो दिए अबराम खानलाई । मैदानमा बाउ छोराले मस्ति गरेका दृष्य समेत देखिए ।
बाबुले दर्शकलाई धन्यवाद दिँदा छोरा अबरामले समेत हात हल्लाइरहेका थिए ।