५ माघ, जनकपुरधाम ।
मधेशी मोर्चा र तीन प्रमुख दलबीचको वार्ता भाँडिन थालेको समयमा सँधै उग्र कुरा गर्ने राजेन्द्र महतोले भने अव सहमति हुन लागेको दावी गरेका छन् । दिल्लीबाट काठमाडौं आएर राजनीतिक भेटघाटपछि मधेश झरेका महतोले केही दिन भित्र सहमति हुने दावि गरेका हुन् ।
मंगलबार जनकपुर विमानस्थलमा सञ्चारकर्मीसँग कुरा गर्दै महतोले प्रधानमन्त्री ओली गम्भिर भएका कारण सहमति हुने भन्दै प्रधानमन्त्रीको प्रशंसा नै गरे ।
अहिले सम्मको वार्ता तीन दल गम्भिर नभएका कारण असफल भएको भएपनि अहिले तीन दलका प्रमुख नेतालाई आफूले गम्भिर पाएका कारण अव सहमतिको संकेत देखिएको उनको भनाइ छ ।
सिंहदरवारका इट्टामा इट्टा प्रहार हुन्छ – भारतीय मिडियामा उपेन्द्र यादव
कार्यदल स्तरीय वार्ता समाप्त भएको मधेशी मोर्चाको घोषणा
गएको भदौमा सद्भावना अध्यक्ष महतोले मधेसको समस्या समाधान नभएसम्म काठमाडौं नफर्किने र पार्टीको मुख्य कार्यालय पनि मधेसमा नै सार्ने बताएका थिए।
त्यसपछि सद्भावनाका सभासदहरुले संविधानसभाबाट पनि राजीनामा गरेका थिए । तर राजेन्द्र महतोलाई विराटनगरको जोगवनी नाकामा प्रहरीसँग भएको झडपमा प्रहरीले चुटेर भारत गए तर प्रधानमन्त्रीको फोन पछि काठमाडौं आएका थिए । प्रधानमन्त्री ओली र महतोको पछिल्लो सम्बन्धले माहौल बदलिएको छ ।