एजेन्सी।
अपराधिलाई सजायँ दिन राखिने जेलमा पाँच तारे होटलको भन्दा पनि बढी सुविधा उपलब्ध छ भन्दा तपाइलाई पत्यार नलाग्न सक्छ तर यो बास्तविकता हो ।
पाराग्वेको ताकुम्बा नामक जेलमा एक कैदी आलिसन कक्षमा सानदार तरिकाले सजायँ काट्दै आएका थिए ।
तीन वटा कोठाको आलिसान कक्षमा एलइडी टिभी, कन्फ्रेन्स रुम, लाइब्रेरी, किचन एयर कण्डिसनर, आरामदायीसोफा, छुट्टाछुट्टै बाथरुमलगायतका सुविधा थिए । तर प्रहरीले छापा मार्ने क्रममा यस्तो सुविधा भेटेपछि प्रहरीले त्यसलाई नष्ट गरेको छ ।
जेलभित्रै यतिधेरै सुविधा भोग गरिरहेका सौखिन कैदी हुन्, ब्राजिलका लागूऔषध कारोबारी जर्विस चिमेनेस पवाओ । उनी जेल तोडेर भाग्दैछन् भन्ने सूचनाका आधारमा प्रहरीले छापा मार्दा यस्तो खुलासा भएको हो । उनलाई यस्तो सुविधा जेलका कुन अधिकारीले दिए भन्ने बारे अहिले अनुसन्धान भइरहेको छ ।
यो कोठामा बस्न चाहनेले पवाओलाई सयौं डलर भाडा तिर्नुपर्ने कैदीहरुले बताएका छन् । उनको सजायँ अर्काे बर्ष पूरा भएर ब्राजिललाई सुपुर्दगी गर्ने विषयमा सुनुवाई हुने तय भएको थियो ।
अहिले उनलाई ताकुम्बु जेलको आलिसान कक्षबाट टाढा राजधानी असुनसियान नजिकै एक विशेष युनिटमा राखिएको छ ।
थप तस्बिर:
