६ मंसिर, नयाँदिल्ली ।
नेपालमा गरिएको नाकाबन्दीले सकारात्मक भन्दा बढी नकारात्मक परिणाम दिने संकेत देखिएपछि नरेन्द्र मोदी नेतृत्वको सरकार अव नेपाल नीतिमाथि समिक्षाको चरणमा पुगेको छ ।
शनिबार नयाँ दिल्लीमा भएको पूर्व कुटनीतिज्ञ सहितको बैठकबाट यस्तो संकेत देखिएको छ । नेपालमा जारी राजनीतिक समस्या, मधेस आन्दोलन र अघोषित नाकाबन्दीको पृष्ठभूमिमा शनिबारको लोकसभामा नेपाल विशेष परामर्श बैठक भएको थियो ।
राष्ट्रसंघमा उपमहासचिव रहिसकेका पूर्वमन्त्री तथा सांसद शशी थरुरले नेपालमाथिको भारतीय ब्यवहारमा छिटै परिवर्तनको संकेत गरेका छन् । उनले गरेको ट्वीटमा नेपाल नीति परिवर्तन हुने संकेत देखिन्छ ।
नेपालमा मोदीलाई पश्चाताप मात्र हात लाग्नेछ – भारतीय सम्पादक
नेपालबाट सोधिएको प्रश्नमा भने छलफल गोप्य रहेको र कार्यन्व्यन भएपछि आफै थाहा हुने जनाएका छन् । शशी थरुरले यस अघि नै नेपालमा मोदीको नीति असफल हुने र अमेरिकाले चीनमा भोगेको नियती मोदीले नेपालमा भोग्ने भन्दै लेख लेखेका थिए ।
शशी थरुर सहभागी भएको लोकसभामा रहेका नेपाल समर्थक एवं शुभेच्छुक दलीय नेताहरुको दबाबमा विदेशमन्त्री सुष्मा स्वराजको अध्यक्षतामा बसेको बैठकमा नेपालमा उब्जिएको मानवीय तहको समस्या तदारुकताका साथ सुल्झाउन दबाब दिइएको बताइन्छ ।
शशी थरुरले निक्कै रचनात्मक र खुला छलफल भएको र नेपालबारेको नीतिमाथि तत्कालै पुनर्विचार हुने संकेत गरेका हुन् ।
शशी थरुर भन्छन्- अमेरिकाले चीनमा भोगेको नियती मोदीले नेपालमा भोग्छन् (भिडियो सहित)
मोदीको नेपाल नीति असफल भएको भन्दै ब्यापक आलोचना भएपछि मोदी सरकारले नेपाल नीतिबारे ब्यापक फेरबदलको तयारी थालेको हो ।