२८ साउन, काठमाडौं ।
माओवादी अध्यक्ष समेत रहेका प्रधानमन्त्री पुष्पकमल दाहाल ‘प्रचण्ड’ले पार्टीको तर्फबाट सरकारमा सहभागी हुने पाँच मन्त्रीहरुको घोषणा आफूले गर्ने बताएका छन् ।
साउदी दुई शहरमा निशाना बनाएर हानियो मिसाइल !
लाजिम्पाटस्थित नीजि निवासमा बसेको केन्द्रीय कार्यालयको बैठकमा प्रचण्डले पार्टीले आफूलाई जिम्मेवारी दिएकाले केही दिनभित्र घोषणा गरेर मन्त्रीहरुलाई जिम्मेवारी दिने बताएका हुन् ।
पाँच मन्त्रीको नामावली सार्वजनिक भएपछि प्रचण्डले केन्द्रीय कार्यालयको बैठक बोलाएर मन्त्री छनोट गर्ने जिम्मेवारी लिएका थिए ।
लाजिम्पाटमा बैठक, मन्त्री नभएका नेताको दादागिरी !
पार्टीभित्र मन्त्री छनोटमा विवाद बढ्दै गएपछि केन्द्रीय कार्यालयको बैठकले पार्टी अध्यक्ष प्रचण्डलाई नै जिम्मेवारी दिएको थियो । माओवादीका एक नेताका अनुसार कांग्रेले मन्त्रीको टुंगो लगाउना साथ प्रधानमन्त्रीले पार्टीबाट सहभागी हुने मन्त्रीहरुको घोषणा गरेर मन्त्रीमण्डलाई पूर्णता दिने सोचमा रहेका छन् ।
अब पार्टीको बैठक लाजिम्पाटमै हुने
प्रधानमन्त्री निर्वाचित भएको नौ दिनपछि प्रचण्ड आफनै निवास लाजिम्पाट फर्किएका छन । वालुवाटार र प्रचण्डको नीजि निवासको दुरी नजिक रहेकाले अब पार्टीको बैठक लाजिम्पाटमा नै निर्णय भएको एक नेताले बताए । उनले भने,‘सरकारी निवासमा पार्टीको बैठक गर्दा राम्रो सन्देश नजाने भएकाले यस्तो नीति लिएको हो ।’
प्रचण्ड प्रधानमन्त्री भएपछि मंगलवार प्रधानमन्त्री निवास वालुवाटरमा पार्टी केन्द्रीय कार्यालयको बैठक बसेको थियो । केपी ओली प्रधानमन्त्री हुँदा पार्टीको केन्द्रीय कमिट, स्थायी समितिको बैठक सरकारी निवासमा बोलाएको भन्दै उनकै पार्टीका नेताहरुले आलोचना भएपछि प्रचण्डले पार्टीको बैठक नीजि निवासमा नै गर्ने तयारी गरेको सचिवालयले बताएको छ ।
प्रधानमन्त्री भएको १० दिनमै प्रचण्डको अर्को क्रमभंगता
प्रचण्ड सरकारी निवास वालुवाटार सरेपनि लाजिम्पाटमा अहिले नेपाल प्रहरी र शसस्त्र प्रहरीले सुरक्षा दिइरहेको छ । प्रचण्ड बस्दै आएको लाजिम्पाटस्थिति निवास भाँडामा लिएका हुन । हाल प्रचण्डको नीजि निवासमा सांसद सन्तकुमार दराई लगायतका बस्दै आएका छन् ।
